[ دليل عروضات وتخفيضات البلاك فرايدي لسنة ٢٠١٥ - موضوع محدث باستمرار ]

البلاك فرايدي
أكيد وايد سمعتوا هالكلمة خلال هالأيام!
ماكنت بكتب موضوع عن البلاك فرايدي لأني أحسه موضوع متشعب وكبير وصعب أغطيه
بس وايد طلبوا مني أتكلم عنه وبما إني من زمان مادونت عن شي والموضوع وايد كبير على بوست إنستقرامي 
قلت أكتب عنه هني وأحاول أحط معلومات عن أغلب الصفقات والعروض المفيدة.

قبل كل شي، هالموضوع والاستفادة من البلاك فرايدي لازم معرفة بالشوبنق اون لاين وطرق الدفع والشحن وكل شي، بهالموضوع ماراح اتطرق لاي شي من هالقبيل.. عندي موضوع شامل عن الشوبنق اون لاين من الألف للياء: 


إذا ماعندكم أي علم بالشوبنق أون لاين اقروا الموضوع وراح تعرفون كل شي
وبعدها ارجعوا لهالبوست!
.
.
.
أول شي شنو البلاك فرايدي والسايبر موندي؟ 
البلاك فرايدي هو آخر جمعة من شهر نوفمبر.. دايماً يكون بعد عيد الشكر (مو عند المسلمين طبعاً).. السبب اللي أطلقوا عليه البلاك فرايدي إنه يعتبر الموعد الرسمي لبدء التسوق لهدايا الكرسمس والأعياد.. بالتالي أغلب المحلات تكون عندها تخفيضات وعروض ترويجية كبيرة.. خصوصاً بأمريكا والدول الكبرى. السايبر موندي يكون الاثنين اللي بعد الجمعة مباشرة وفيه عروض اضافية احيانا واحيانا عروض مختلفة

البلاك فرايدي السنة بيصادف ٢٧ نوفمبر، والسايبر موندي بيصير ٣٠ نوفمبر




في ناس وايد يهملون التخفيضات الموسمية اللي تصير انتظاراً للبلاك فرايدي. وفي ناس وايد تنغر بتخفيضات البلاك فرايدي المعلنة بكل مكان وتشتري وتشتري وتشتري.. أشياء زيادة عن حاجتها وأشياء أساساً تخفيضها مجرد إعلان مو واقع!

من تجربتي ومتابعتي للمواقع بالسنوات الأخيرة من صرت مدمنة تسوق أون لاين..
من رايي البلاك فرايدي التخفيض الأمثل لشراء الأطقم، المنتجات المصغرة، المنتجات اللي تنزل ألوان غريبة لفترة محددة لو انتوا من محبين هالأشياء، الملابس، بعض الإكسسوارات والإلكترونيات.
بالنسبة للماركات والهاي إند براند وخصوصاً الماركات اللي كولكشنها يكون كلاسيكي وموجود طول السنة.. ما يكون عليها تخفيض قوي بالبلاك فرايدي بعكس التخفيضات  الموسمية الصيفية والخريفية مثلاً.. 
ماركات مثل مايكل كورس، تيد بيكر، كيت سبيد، وتوري بورش مثلاً.. هالماركات على مدى السنة تنزل بتخفيضات في نوردستروم ونيمن ماركس وميسيز وبلومنغ ديلز، تخفيضات 10% - 25% - وتوصل حتى 40%.. وتستمر لأيام معدودة أنا ضخصياً شفت كذا منتج وبعضهم من الكولكشن الجديد ينزلون بالسيل كم يوم وبعدين يرجع السعر الأصلي.. أما بالبلاك فرايدي راح ينزلون مثلا شنطة برتقالية ولا نظارة فنكي.. أو راح يقدمون شحن سريع جداً خلال يوم ولا كيس هدايا مميز مجاني.. أو منتج صغير مجاني. 

فماراح يكون في تخفيض يذكر بالبلاك فرايدي. فدايماً يفضل إنكم تستغلون تخفبضات الماركات هذي إذا لحقتوا عليها ولا تنتظرون للبلاك فرايدي! أنا مرة طوفت سيل على نظارة توري بورش نزلت بسيل في تخفيض نوردستروم السنوي وماخذتها على اساس باخذها بالسيل اللي بعده والحين سنة وشي النظارة للحين موجودة وما رجعوا نزلوها بأي سيل ثاني! ههههههه فيعني إذا عجبج شي خلال السنة وتخفيضه كان حلوو اخذيه بدون تردد.. واللي لاحظته انه في أشياء تنزل وبالسيل اللي بعده تنزل أشياء ثانية والاولى لا.. وهكذا رغم ان كلهم من كولكشن واحد!

العرض الأفضل بدون منازع في البلاك فرايدي لما يكون على الطلب كامل تخفيض بنسبة محددة، ممكن ٢٠٪ وممكن ٣٠٪ وفي مواقع توصل ٥٠٪
من المواقع اللي أعرفها تسوي هالسيل.. ذا بالم وكوستال سنتس تخفيضهم ٥٠٪ واعتقد بي اتش كوزمتكس بعد، موقع تارت سوو تخفيض ٣٠٪،  أسوس السنة اللي فاتت سوو تخفيض ٣٠٪ ولكن بس اذا كان الطلب ينشحن لعنوان امريكي جربت احط عنواني البحريني وما انحسب التخفيض فشحنته على عنواني الامريكي

السنة بحط بالي على مواقع الشوزات لولاشوتيك ولولو، ومواقع الثياب والاكسسورات 
مو ببالي أكود مكياج الا اذا شفت ديلز ما تتطوف! 

أتوقع كلر بوب ولايم كرايم، لوراك وهالماركات اللي طلعت وانشهرت بهالفترة بيكون عندها تخفيض قوي

والمواقع المستقلة اللي مو تابعة للهاي إند براند غالباً يكون عندهم سيل لكامل الموقع او على الال شحن مجاني حتى الدولي، هالمواقع تنفع للثياب الكاجول والشوزات والاكسسوارات.. اشياء للاستخدام العملي والمتكرر يعني

الماركات والمواقع الأكبر اللي فيها ماركاتهم الهاي اند مثل سيفورا،  مايسوون تخفيض كامل بس ينزلون أشياء جميلة ومميزة باحجام ميني وكل يوم صفقة، سيفورا اذكر اللعام نزلوا مجموعة اشياء وكان سعرهم ثابت عشر دولارات، ميك اب فورايفر يسوون عروض حلوة بس غالبا تكون موجودة باغلب السنة، مثلا باليت مجاني اذا شريتو ثلث الوان شدوات سنقل او لما تاخذون عدد محدد.. ماك طبعاً مايسوون تخفيض بس ينزلون روج اسود او رمادي لمدة يوم واحد! السنة للحين ماعرف شنو اللون اللي بينزل

ومن ناحية ثانية.. في أشياء وايد جميلة وفرصة تنشرى بالبلاك فرايدي وبسيزن الهوليدي حتى لو بدون تخفيض مباشر..
العطور، تنزل باطقم واسعارها مناسبة جداً، ماركات المكياج وايد منهم ينزلون أطقم فيها منتجاتهم البست سيلر بأحجام صغيرة وسعرها يكون رخيص، وحتى منتجات السكر كير

قبل سنتين تقريباً طلبت لي طقم عطر شانيل نمبر فايف من سيزن الهوليدي.. كان العطر مع الشاور جل واللوشن بسعر حلووو والعلبة روووعة تناسب هدية. غالبا العطور تكون بنوردستروم وبلومنغ ديلز وسيفورا وهالمواقع.


أما الحين، بحط لكم العروض اللي انعلن عنها لحد الان
وراح أحدث الموضوع كل ماعرفت عن عرض يديد فخلكم متابعين خلال هالاسبوع، المواقع اللي ما بحط جنبها معلومات عن لدفع والشحن يعني مو مجربتها وماعرف يقبلون او لا بس حطيتهم للفايدة.

المكياج:

عروض العشرة دولار / الطلب من سيفورا يعتمد على الحظ واوقات وايد يشددون ويكنسلون اغلب الطلبات 

بينزلون بموقعهم بيوم البلاك فرايدي هالمنتج البينت بولش قلم الشفاه بهذا اللون 





 يقبل البطاقات الدولية وبعض المنتجات تنشحن مباشرة وبعضها تحتاج صندوق


 الموقع يقبل بطاقاتنا وعندهم شحن مباشر وممكن استخدام صندوق 


عروض مختلفة بكل موقع يوفر الماركة عرض مختلف / جربتاطلبها من امازون ونوردستروم اثنينهم يقبلون البطاقات والشحن بصندوق امريكي

شحن مجاني يوم البلاك فرايدي
تخفيض ٢٠٪ يوم السايبر موندي




25% تخفيض على كل منتجات الحواجب في البلاك فرايدي والسايبر موندي
القلوسات العادية مب المات $9.99 بدل 16$ يوم البلاك فرايدي
هايلايتر مع فرشة الاثنين بـ $26 في البلاك فرايدي
الموقع يقبل كل وسائل الشحن وعنده مشحن مباشر 


20% تخفيض على الطلب كامل في البلاك فرايدي
شحن مجاني يوم السايبر موندي وتخفيض $5.5 على الشحن الدولي



تخفيض 30% يوم البلاك فرايدي



عروض مختلفة كل يوم خلال هالأسبوع
الموقع بريطاني يقبل كل وسائل الدفع وعندهم شحن مباشر لبعض الماركات أما بعض الماركات ماتقبل الا الصندوق البريطاني تبع أرامكس



تخفيض 25% على الطلب من تاريخ 25 إلى 27 نوفمبر 
الموقع يقبل جميع وسائل الدفع والشحن طريق صندوق 





تخفيض 20% على الطلب من تاريخ 27-28 نوفمبر
الموقع يقبل البطاقات وصندوق ماي يو اس



تخفيض 25% على الطلب من تاريخ 25 إلى 29 نوفمبر 
الموقع يقبل جميع وسائل الدفع والشحن مباشر




تخفيض 25% على الطلب إذا كان أكثر من $100 من تاريخ 25 إلى 29 نوفمبر 



تخفيض 30% على الطلب من تاريخ 26 إلى 30 نوفمبر




تخفيض $20 على الطلب بقيمة $100
تخفيض $15 على الطلب بقيمة $80
تخفيض $10 على الطلب بقيمة $60
تخفيض $5 على الطلب بقيمة $40


اعلنوا عن بعض العروض واللنك صفحة عروض البلاك فرايدي، راح تتغير الاسعار لاسعار التخفيض بدءاً من بكرة 
الموقع يقبل كل وسائل الشحن ويقبل الشحن المباشر ويقبل الصناديق



تخفيض 50% على كامل الموقع يوم الاثنين لمدة أربعة وعشرين ساعة
الموقع يقبل كل وسائل الدفع ويقبل الشحن المباشر والصناديق



تخفيض 48% على كل الموقع من اليوم بتاريخ 30 نوفمبر 
الموقع يقبل كل وسائل الدفع ويقبل الشحن المباشر والصناديق





تخفيضات منوعة ومتفاوتة على أغلب المنتجات
الموقع يقبل كل وسائل الدفع ويقبل الشحن المباشر والصناديق
يفضل استخدام البايبال لان سبق وحدثت مشاكل امنية بالموقع 



تخفيض ٢٥٪ وشحن دولي مباشر




بيكا تخفيض ٢٠٪ ينتهي يوم الاثنين 

السكن كير ومنتجات العناية المختلفة:

تخفيض ٢٥٪ من تاريخ ٢٧ إلى ٣٠ نوفمبر ٢٠١٥ / حسب كلام الموقع يقبلون كل البطاقات ويشحنون لاغلب الدول ماعدا بعض الدول لاسباب قانونية!

دكتور براندت ماركة عندهم منتجات عناية حلوة، ماعندي فكرة إذا موقعهم يقبل بطاقاتنا - تخفيض ٤٠٪ على كل المنتجات العرض ساري من الحين



[ عروض كيهلز ]


تخفيض 15% على الطلب من تاريخ 25 إلى 28 نوفمبر


العطور
٢٥٪ يوم البلاك فرايدي مع هدية مجانية مع كل طلب بأكثر من خمسين دولار وتخفيض ٢٥٪ يوم البلاك فرايدي / يقبلون كل وسائل الدفع ويشحنون مباشر


منتجات منوعة

/ يقبل البطاقات الدولية وبعض المنتجات تنشحن مباشرة وبعضها تحتاج صندوق

للأساور والمجوهرات

عروض البلاك فرايدي حسب الموقع ٣٠-٥٠٪ من تاريخ ٢٧ إلى ٣٠ نوفمبر توصل بلنك خاص على الايميل للمشتركين عندهم، لنك الاشتراك موجود حالياً بسايتهم

يقبلون بطاقات دولية ويشحنون مباشرة وعندهم خدمة الحفر على الاسسوارات باللغتين العربية والانجليزي

يقبل البطاقات الدولية فقط لما يكون عنوان الشحن الدولي، مو كل شي بالموقع يتوفر للشحن الدولي

عروض مختلفة في هالوصلة، يقبل كل البطاقات وبعض الاشياء تنشحن مباشر وبعضها لازم صندوق

الموقع صار يشحن دولي، بس ماعندي فكرة راح ينحسب التخفيض او لا على الطلبات الدولية

تخفيض ١٥٪ على كل الماركات و٢٥٪ على ماركة الموقع نفسه.
حسب الموقع يشحن دولي، بس ماعندي فكرة راح ينحسب التخفيض او لا على الطلبات الدولية

لحد الان ماحطوا خبر عن عرض التخفيض على كامل المبلغ
بس حسب الموقع ابتدوا سيل ضخم على مجموعة كبيرة من المنتجات 

تحديث: تخفيض ٢٠٪ على الطلبات في حالة استخدام صندوق امريكي

للشوزات والاكسسوارات والشنط والثياب من ماركات مختلفة
السيل عندهم بالاشتراك بالايميل وبيرسلون التفاصيل يوم الخميس

يقبلون البطاقات الدولية وعندهم شحن مباشر او بالصندوق


تخفيض 10% على الطلب
يقبل كل وسائي الدفع ويشحن مباشر



تخفيضات منوعة تصل إلى 40% 
الموقع يقبل البطاقات المحتلفة ويشحن مباشرة وباستخدام الصناديق

تحديث: 
نوردستروم عندهم تخفيض اضافي ٢٥٪ على بعض المنتجات اللي اساساً سيل، لحد يوم الاثنين

تخفيضات منوعة على الماركات تصل إلى 40% 
الموقع يقبل البطاقات المحتلفة ويشحن مباشرة وباستخدام الصناديق


تخفيضات منوعة ومتفاوتة 



[ عروض فاشن نوفا ]
تخفيض 20% على الطلب 
يقبلون البطاقات الدولية وعندهم شحن مباشر او بالصندوق

تخفيض حتى ٥٠٪ على بعض المنتجات، تخفيض $٥٠ على كل $٢٠٠ على بعض الطلبات 
الموقع يقبل وسائل الدفع ويشحن دولي 

لحد الان هذي العروض والمواقع الاكيدة اللي لقيتها اليوم
خلكم متابعين خلال هالاسبوع بحول كل يوم وترك اجمع مجموعة جديدة واحدث الموضوع.

ولا تنسون تشتركون بالمدونة وتسوون فولو بالايميل عشان توصلكم اخر البوستات
 Follow me in instagram | متابعتي في إنستقرام
ألاقيكم على خير


15 comments

  1. شكرا عالمعلومات والبوست الجميل

    ReplyDelete
  2. شكرا حياتي وماقصرتي ❤️

    ReplyDelete
  3. يعطيك العافيه سناء 🌹🌹🌹

    ReplyDelete
  4. يعطيك العافيه سنوووووي بوست مفيد🌹🌹🌹

    ReplyDelete
  5. Thank you so much ❤️ Its so useful and clear ..

    ReplyDelete
  6. Thank you sweety �� Clear and useful ❤️

    ReplyDelete
  7. يعطيك العافيه سنوي

    ReplyDelete
  8. يعطيج العافية قمر الموضوع وايد حمسني

    ReplyDelete
  9. بوستاتك دائما جميلة و متنوعة جزاك الله خير

    ReplyDelete
  10. يعطيك العافية ع البوست حبيبتي ❤️

    ReplyDelete
  11. ماقصرتي استفدنا منج وايد مشكورة ع المعلومات القيمة وانا من متابعيج باستمرار

    ReplyDelete
  12. مشششكوره ياقلبي ماقصرتي بس كآنه رابط
    موقع هاوس اوف لاشز غلط
    ؟؟

    ReplyDelete
  13. شكرا مرا استفدنا

    ReplyDelete