[ BLACK FRIDAY 2017 | عروض البلاك فرايدي ٢٠١٧ ]

السلام عليكم ورحمة الله وبركاته

يسعد صباحكم أو مساكم وين ماكنتوا... 

شهر نوفمبر شهر التسوق اللي الكل ينتظره، تخفيضات نهاية الخريف، تخفيضات البلاك فرايدي والسايبر موندي... والكولكشنات  والمنتجات الخاصة بموسم الأعياد والكرسمس والنيويير.. وأطقم الهدايا خصوصاً أطقم العطور، السكن كير والمكياج

وما شاء الأسئلة عن تغطية البلاك فرايدي هالمرة مبكرة.. مع إني سنوياً ما أحط وأجمع كل شي إلا على آخر الوقت

[ سلسلة السفر / إيطــاليــا: رومـا والريف الإيطالي: توسكــاني ]

السلاام عليكم...

يسعد مساكم أو صباحكم وين ماكنتوا..

بوست اليوم بسلسلة السفر عن الأيام اللي قضيناها في روما وتوسكاني - الريف الإيطالي.

إن شاء الله تكون سلسلة السفر مفيدة لكم، أول مرة أجرب أكتب بوستات مخصصة للسفر والبوستات طويلة والصور وايد.. بس بنفس الوقت أحس أي إختصار بالنص أو بالصور مابينقل التجربة بشكل كامل!

بكون ممتنة لو حطيتوا لي آرائكم وملاحظاتكم عشان آخذها بعين اللإعتبار بالسفرات الجاية، أي ملاحظة بتكون مهمة لي سواء المعلومات اللي ذكرتها، لغة الكتابة، التصوير، اقتراحاتي، سواء زيادة أو نقصان.

سلسلة السفر بالترتيب: 

١. [ المواقع والأبلكيشنات اللي استخدمها للتخطيط قبل وأثناء السفر ]
[ HERE | هنا ]

٢. [ اليونـــان: أثينــا وسانتورينــي ]
[ HERE | هنا ]

[ رومـــا ]

[ سلسلة السفر / اليـــونان: أثينا وسانتوريني ]

السلام عليكم ورحمة الله وبركاته 

يسعد مساكم او صباحكم وين ماكنتوا

نبدأ سلسة مدن السفر بعد ماتكلمت عن كل الابلكيشنات اللي استخدمها في البوست اللي فات:

[ HERE | هنا ]

اليـــونان 

[ التخطيط للسفر: شلون أخطط للرحلة، والأبلكيشنات اللي أستخدمها قبل وخلال السفر ]

السلام عليكم ورحمة الله وبركاته 

يسعد مساكم أو صباحكم وين ماكنتوا. 

١٠:٤٠ صباحاً 

من الباخرة المتجهة إلى جزيرة سانتوريني من أثينا / اليونان

[ دليل التخفيض السنوي لموقع نوردستروم سنة 2017 Nordstrom Anniversary Sale Picks ]

السلام عليكم ورحمة الله وبركاته 

المهتمين ومدمنين الشوبنغ أون لاين خصوصاً من  المواقع الأمريكية، شهر يوليو من كل سنة شهر مهم، لأنه يصادف تخفيض موقع نوردستروم السنوي. 

موقع نوردستروم من مواقعي المفضلة ودايماً أطلب منه، هو ديبارتمنت ستور، متجر بأقسام متعددة فيه كل شي، من منتجات البيت، الديكور، المفارش، الملابس، الأحذية، المجوهرات، الإكسسوارات، الشنط، المكياج، العطور، منتجات العناية، واي شي يخطر ببالكم تقريباً. 

[ مشتريات يناير 2017 من آي هيرب: منتجات غذائية وشخصية ]

السلام عليكم

يسعد صباحكم ومساكم وين ماكنتوا، كل عام وانتوا بخير وعساها تكون سنة حلوة وسعيدة عليكم وأفضل من اللي قبلها.

بوست اليوم عن مشترياتي الأخيرة من آي هيرب، حطيتهم بموضوع بروحه مو بموضوع المشتريات لأن هالطلب ضخم خمخمت من الموقع، كالعادة بحط لكم صورة المنتجات من تصويري وبعدها اللنكات المباشرة من الموقع، وهالمرة بجرب خاصية مشاركة السلة في آي هيرب. بنهاية البوست بتشوفون لنك الباسكت لما تضغطون عليه بيوديكم لآي هيرب وكل المنتجات اللي ببوست اليوم بتكون جاهزة في السلة، وطبعا تقدرون تشيلون اللي ماتبونه.. أسهل من إضافة كل منتج بروحه اتوقع؟

لا تنسون تستخدمون كودي بطلباتكم من آي هيرب: DQB354

 http://www.iherb.com/?rcode=DQB354

ونصيحتي الدايمة لكم، آي هيرب يشحن مباشر يعني تحتاجون فقط بطاقة إئتمانية وعنوان البيت، وحتى الموقع نفسه يعرض المنتجات بعملتكم المحلية، استخدموا DHL للشحن، بالبداية السعر يكون مرتفع بس من يطوف الطلب 40 دولار بتشوفون ينخفض الشحن بشكل كبير فجمعوا أكثر من غرض ولا تطلبون قطعة ولا قطعتين! الشحن سريع هالمرة وصلني بأربعة أيام من تاريخ الطلب مع انه صادف ويكند وإجازة راس السنة يعني المدة الفعلية يومين. لا تستخدمون الاختيار الأول اللي هو البريد العادي لأن سمعت كذا شخص ومنهم رفيجتي ان الاغراض ماوصلت، اما DHL و UPS فهم مع تتبع وحتى لو تأخرت الشحنة بالجمارك ولا شي يحطونكم بالصورة، تعاملي دايماً مع DHL ولا مرة استخدمت UPS من آي هيرب بس من مواقع ثانية قط وصلني عن طريقهم وشحنهم سريع ومضبوط. السوائل والفيتامينات (إذا كانت بسيطة وتنباع  بدون وصفة) تنطلب بدون مشاكل ولا جمارك ولكن لا تطلبون كرتون كامل كله سوائل أو كمية ادوية وفيتامينات! بهالحالة أكيد بتتوقف واحتمال حتى تصادفها مشاكل بالشحن، ممكن علتين ثلاث سوائل أو فيتامينات وسط أغراض عادية