[ مشتريات يناير 2017 من آي هيرب: منتجات غذائية وشخصية ]

السلام عليكم

يسعد صباحكم ومساكم وين ماكنتوا، كل عام وانتوا بخير وعساها تكون سنة حلوة وسعيدة عليكم وأفضل من اللي قبلها.

بوست اليوم عن مشترياتي الأخيرة من آي هيرب، حطيتهم بموضوع بروحه مو بموضوع المشتريات لأن هالطلب ضخم خمخمت من الموقع، كالعادة بحط لكم صورة المنتجات من تصويري وبعدها اللنكات المباشرة من الموقع، وهالمرة بجرب خاصية مشاركة السلة في آي هيرب. بنهاية البوست بتشوفون لنك الباسكت لما تضغطون عليه بيوديكم لآي هيرب وكل المنتجات اللي ببوست اليوم بتكون جاهزة في السلة، وطبعا تقدرون تشيلون اللي ماتبونه.. أسهل من إضافة كل منتج بروحه اتوقع؟

لا تنسون تستخدمون كودي بطلباتكم من آي هيرب: DQB354

http://www.iherb.com/?rcode=DQB354

ونصيحتي الدايمة لكم، آي هيرب يشحن مباشر يعني تحتاجون فقط بطاقة إئتمانية وعنوان البيت، وحتى الموقع نفسه يعرض المنتجات بعملتكم المحلية، استخدموا DHL للشحن، بالبداية السعر يكون مرتفع بس من يطوف الطلب 40 دولار بتشوفون ينخفض الشحن بشكل كبير فجمعوا أكثر من غرض ولا تطلبون قطعة ولا قطعتين! الشحن سريع هالمرة وصلني بأربعة أيام من تاريخ الطلب مع انه صادف ويكند وإجازة راس السنة يعني المدة الفعلية يومين. لا تستخدمون الاختيار الأول اللي هو البريد العادي لأن سمعت كذا شخص ومنهم رفيجتي ان الاغراض ماوصلت، اما DHL و UPS فهم مع تتبع وحتى لو تأخرت الشحنة بالجمارك ولا شي يحطونكم بالصورة، تعاملي دايماً مع DHL ولا مرة استخدمت UPS من آي هيرب بس من مواقع ثانية قط وصلني عن طريقهم وشحنهم سريع ومضبوط. السوائل والفيتامينات (إذا كانت بسيطة وتنباع بدون وصفة) تنطلب بدون مشاكل ولا جمارك ولكن لا تطلبون كرتون كامل كله سوائل أو كمية ادوية وفيتامينات! بهالحالة أكيد بتتوقف واحتمال حتى تصادفها مشاكل بالشحن، ممكن علتين ثلاث سوائل أو فيتامينات وسط أغراض عادية

نبدأ باسم الله اول شي بالمنتجات الغذائية والسوبرماركت، مع العلم إن أغلب هالأشياء أو أشباه لها متوفرة بالسوق عندنا، وبعضها سعرها مقارب.. أنا أطلبها من آي هيرب لأن أشوفه أسهل لي إني أشوف الأنواع وأقرأ عن آراء الناس فيهم والمعلومات وأقرر أشتريه أو لا وأختار النوع المناسب وكل هذا بوقت واحد، عكس لو بروح السوق هالشي مابيصير بزيارة وحدة! يا إني اشتري وأجرب أنا وحظي أو احط لستة وارجع ابحث عنها وارجع اختار وهكذا، غير إني لو بشتري كل شي بضطر أنتقل بين كذا سوبرماكت وفرع لين يالله أحصل كل شي هذا إذا لقيت، فالأون لاين أسهل وأسرع وأقل من أسبوع وهو واصلني للبيت.

يالله نبدأ

[ كورن فليكس بالحبوب الكاملة وتوت الكرانبيري والبلوبيري ]

http://www.iherb.com/Kashi-Go-Lean-Toasted-Berry-Crisp-Cereal-14-oz-397-g/44692

الحصة الوحدة ثلاث أرباع كوب/51 غرام تحتوي على 190 كالوري، 9 غرام بروتين، 8 غرام ألياف، 16غرام حبوب كاملة، 6 غرام مجموع الدهون، فقط نص غرام منها دهون مشبعة، 1غرام دهون غير مشبعة و2 غرام دهون غير مشبعة أحادية، الدهون الغير مشبعة دهون صحية وينصح باستهلاكها بدل الدهون المشبعة والمتحولة. اللي ماعجبني فيه إنه الحصة فيها 11 غرام سكر، تعتبر مرتفعة بس أتوقع جزء منها بسبب نوعين التوت.

جربته مرة وحدة، شكله صاير يشبه البوب كورن أكثر منه كورن فليكس، طعمه حلو مب سيئ بس قررت إني باكله جاف بدون حليب، لأن لما حطيت معاه حليب ككورن فليكس عادي صار لين بسرعة وانا احب الكورن فليكس مقرمش.

[ كومبات كرانش بروتين بار خالي من الغلوتين بنكهة عجينة كوكيز الجوكلت جب]

http://www.iherb.com/Muscle-Pharm-Combat-Crunch-Chocolate-Chip-Cookie-Dough-12-Bars-63-g-Each/60066

سمعت وايد مديح على هالنوع من البروتين بار فطلبته هالمرة، الكرتون فيه 12 بار، البار الواحد فيه 210 كالوري، 20 غرام بروتين، 12 غرام أليأف، 5 غرام سكريات، 7 غرام دهون 4 غرام منها دهون مشبعة. أخذته أساساً عشان البروتين اللي فيه 20 غرام عشان آكله بعد التمرين لأن الوجبة بعد التمرين مهم تكون عالية بالبروتين عشان بناء النسيج العضلي، وايد خبراء تغذية ورياضة يمدحونه... جربت واحد منه طعمه زين لا بأس، بس حجمه كبير ماقدرت أكمله (بس ماكنت متمرنة) أتوقع بقدر أكمل لما آكله بعد التمرين وبجرب بعد اسخنه كم ثانية بالمايكرويف عشان يذوب الجوكلت.

[ زيت زيتون عضوي بكر ]

http://www.iherb.com/Spectrum-Naturals-Organic-Extra-Virgin-Olive-Oil-12-7-fl-oz-375-ml/53757

أخذته للطبخ والسلطات والأكل بشكل عام، تحيرت من كثر الأنواع بالسوق فرحت آي هيرب وأخذت هذا عليه ريت عالي، مو الأول بس خفت اخذ الانواع الثانية ويمشكلوني بالحجم + عجتني شكل زجاجة هذا ههههه، وآراء الناس عنه تبشر، الحصة الوحدة

[ زبدة 7 مكسرات وحبوب للطاقة، ناعمة]

http://www.iherb.com/Nuttzo-Organic-Seven-Nut-Seed-Butter-Smooth-Power-Fuel-16-oz-454-g/58669

هالزبدة خليط من 7 مكسرات وحبوب عضوية: المسكرات البرازيلية، البندق، اللوز، الكازو، بذور الكتان، بذور الشيا وبذور القرع، الحصة الوحدة ملعقتين طعام فيها 180 كالوري، 6غرام بروتين، فقط 1غرام سكر، 975ملغرام من أحماض الأوميغا ثري الدهنية، فيتامين سي، كالسيوم وحديد، قليلة الصوديوم، خالية من السكر ومن إضافة الزيوت (الزيوت اللي فيها كلها من المكسرات)، خالية من الغلوتين،

هالزبدة صنعتها دانييل ليفولسي، أم كانت دايماً مهتمة بالصحة والرياضة، وتبنت طفلين يعانون من نقص الفيتامينات وهالزبدة كانت وحدة من ابتكاراتها وتعتبرها الأعظم.

هالزبدة خذتها للفطور مع توست، أو كوجبة سناك خلال اليوم أو قبل أو بعد التمرين، ينصح بوضعها مقلوبة عشان تبقى المكونات مختلطة.

[ خليط 13 نوع من البقوليات للشوربات ]

http://www.iherb.com/Bob-s-Red-Mill-13-Bean-Soup-Mix-29-oz-822-g/12158

هالكيس فيه مجموعة من البقوليات الجافة تنضاف لأي نوع من الشوربات المختلفة، الحصة الوحدة ربع كوب جاف فيها 200 كالوري، فقط 1 غرام دهون، فقط 5 ملغرام صوديوم، 12 غرام ألياف، 2 غرام سكر و13 غرام بروتين.

حبيت فكرتها خصوصاً إنها عالية بالبروتين والأياف ومجرد إذافة لأي نوع من الشوربات.. ممتازة لغدا أو عشا بعد التمرين خصوصاً.

[ معكرونة وسباجيتي من الكينوا والرز]

http://www.iherb.com/Now-Foods-Organic-Quinoa-Spaghetti-8-oz-227-g/65160

http://www.iherb.com/Now-Foods-Gluten-Free-Organic-Quinoa-Macaroni-8-oz-227-g/68701

قبل جربت معكرونة القمح الكامل وجداً حبيتها، وجربت معكروونة الرز الأسمر طعمها حلو بس تلين بسرعة بالطبخ تحتاج مراقبة، وهالمرة قلت أجرب نوعين من معكرونة الكينوا، الفرق بس بالنوع أما المعلوات الغذائية نفسها، خالية من الغلوتين والذرة، الحصة الوحدة 56 غرام من المعكرونة الجافة فيها 200 كالوري، فقط 1 غرام دهون غير مشبعة وغير متحولة، فقط 5 ملغرام صوديوم، 2غرام ألياف، 5 غرام بروتين، حديد وكالسيوم.

متحمسة أجربهم لأني أحب الكينوا فأتوقع الطعم بيكون لذيذ.

[ معكرونة القمح الكامل ]

http://www.iherb.com/DeLallo-Orzo-No-65-100-Organic-Whole-Wheat-Pasta-16-oz-454-g/32549

http://www.iherb.com/DeLallo-Fusilli-No-27-100-Organic-Whole-Wheat-Pasta-16-oz-454-g/32548

هذا النوع من ديلالّو اللي قلت جربته وعجبني وايد، طعمها لذيييذ وتتحمل الطبخ بدون ماتلين، النوع اليسار الفوسيلي هو اللي جربته فأخذته هالمرة مع النوع الصغير نسميه لسان العصفور بالبحرين، يصلح للسلطات وطبخات مختلفة، النوعين تقريباً نفس القيمة بس الفرق إنه الصغيرة فيها غرام سكر أكثر، و10 كالوري أكثر، الحصة الوحدة 56 غرام من المعكرونة الجافة فيها 200 كالوري، فقط 1.5 غرام دهون، 6 غرام ألياف، 1 غرام سكر، 6 غرام بروتين.

[ مكسرات المكاداميا المشوية والمملحة بملح البحر ]

http://www.iherb.com/Now-Foods-Real-Food-Macadamia-Nuts-Dry-Roasted-Salted-9-oz-255-g/38568

لازم كل طلب من آي هيرب فيه أكل أطلب هالمكسرات وهالمرة طلبت لي 3 أكياس لأن البيت ياكلونهم معاي.. طعمهم لذييييذ ويشبعون أحبهم كسناك، الحصة الوحدة ربع كوب فيها 260 كالوري، 27غرام دهون و23 غرام منها دهون غير مشبعة أحادية وهذي تعتبر من الدهون الصحية المفيدة، 3 غرام فايبر وبروتين، 2 غرام سكر.

[ خليط فستق بنكهة الرمان وأشياء ثانية]

http://www.iherb.com/Sahale-Snacks-Snack-Better-Naturally-Pomegranate-Flavored-Pistachios-Glazed-Mix-4-oz-113-g/59712

الخلطة غريبة وعندهم أنواع مختلفة كل مرة أطالعهم واتردد عاد هالمرة قلت أجرب وأشوف شلون الطعم؟ الحصة الوحدة ربع كوب فيها 150 كالوري، 10غرام دهون، 1 غرام فقط متحولة والباقي دهون صحية غير متحولة وأحادية، 2 غرام ألياف، 7 غرام سكر، و5 بروتين، شوي السكريات مرتفعة بس باقي العناصر كميتها جيدة، كسناك.

[ منتفخات الذرة بجبنة الشيدر ]

http://www.iherb.com/Barbara-s-Bakery-Cheese-Puffs-Original-7-oz-198-g/31816

ثاني مرة أشتري هالنوع وهالمرة أخذت كيسين لأن طعمه لذيييذ ومعلوماته الغذائية مو واو يعني بس عالاقل العناصر الغير مفيدة فيه جداً قليلة وافضل بمراحل من الانواع اللي بالسوق (الغير صحية والمليانة دهون والوان ومواد حافظة)، الحصة الوحدة ثلاث ارباع كوب 28 غرام فيها 150 كالوري، 10 غرام دهون فقط 1.5غرام منها مشبعة والباقي غير مشبعة وغير متحولة، خالية من الكولسترول، 160ملغرام صوديوم، 1غرام ألياف، 1غرام سكر و1 غرام بروتين.

[ شرائح توت رازبيري ومانغو مجففة بالتبريد ]

http://www.iherb.com/Nature-s-All-Freeze-Dried-Organic-Raspberries-1-3-oz-37-g/50097

http://www.iherb.com/Nature-s-All-Freeze-Dried-Organic-Mango-1-5-oz-42-5-g/50091

من قبل أخذت الفراولة والحين هذول، حلوين لخلطات الريوق مع الحليب والكورنفليكس، مكونين بس من الفاكهة بدون إضافة أي سكريات أو ألوان أو مواد حافظة، الحصة الوحدة 10 غرام من التوت فيها 35 كالوري، 3 غرام فايبر، 1 غرام سكر وأقل من 1غرام بروتين، و30% من إحتياج الجسم من فيتامين سي، اما المانغو الحصة الوحدة 30 غرام فيها 120 كالوري، 1غرام ألياف، 23 غرام سكر، 1 غرام بروتين، 35% من إحتياج الجسم من فيتامين ألف و25% من إحتياج الجسم من فيتامين سي.

[ أنواع من البهارات العضوية]

http://www.iherb.com/Simply-Organic-Organic-Smoked-Paprika-2-72-oz-77-g/65528

http://www.iherb.com/Simply-Organic-Garlic-Powder-3-64-oz-103-g/31396

http://www.iherb.com/Simply-Organic-Cumin-2-31-oz-65-g/31374

http://www.iherb.com/Simply-Organic-Grilling-Seasons-Vegetable-Organic-2-2-oz-62-g/65535

http://www.iherb.com/Simply-Organic-Organic-Spice-Right-Everyday-Blends-All-Purpose-Salt-Free-1-8-oz-51-g/65536

http://www.iherb.com/Simply-Organic-Grilling-Seasons-Chicken-Organic-1-1-oz-31-g/65531

http://www.iherb.com/Simply-Organic-Lemon-Pepper-3-17-oz-90-g/31418

http://www.iherb.com/Simply-Organic-Citrus-A-Peel-2-54-oz-72-g/31471

http://www.iherb.com/Simply-Organic-Garlic-Pepper-3-73-oz-106-g/31389

أخذت من قبل نوعين وحبيتهم وحبيت إنه العلبة زجاج وفيها نوعين من الرش، الزجاج يحافظ على النكهة والفتحات تسهل التحكم بالكمية والحلو إنه يستخدمون مرة ثانية بالتعبئة، فهالمرة طلبت لي هالأنواع، للطبخ، الشوربات، درسنغ السلطات، التتبيلات وغيرهم:

بابريكا مدخنة، بودرة الثوم، كمون مطحون، خلطة شوي الخضار، جميع الاستخدامات بدون ملح، خلطة شوي الدجاج، فلفل بالليمون، قشور الحوامض مع راس للطحن وفلفل بالثوم.

[ بلندر بوتل وعلب قو ستاك المقسمة ]

http://www.iherb.com/Sundesa-Blender-Bottle-White-28-oz/67407

http://www.iherb.com/GoStak-Portable-Stackable-Containers-Green-Starter-4-Pack/56264

http://www.iherb.com/GoStak-Portable-Stackable-Containers-White-3-Pack-60-cc-Each/67511

http://www.iherb.com/GoStak-Portable-Stackable-Containers-Pink-3-Pack-100-cc-Each/67494

للحين ماوصلت لمرحلة البروتين شيك وبس أتخيل إني أشرب شي جذي يعورني بطني هههه، بس أخذت البلندر بوتل BlenderBottle هذا للسموثي، فيها الكرة اللي داخل هذي تساعد على مزج المكونات، أما العلب الشفافة الصغيرة فهم من نفس الشركة المصنعة اسمهم قو ستاك GoStak، متوفرين بأحجام مختلفة ومخصصين عشان يدخلون بالبلندر بوتل، يستخدمون استخدامات مختلفة لتقسيم السناك، الفيتامينات، درسنغ السلطات، مكونات البروتين شيك، الخضار والفواكه المقطعة، وحتى لتخزين اشياء غير غذائية مثل الكرة اللي داخل البوتل، السماعات، العملات، حجمهم صغير مايصلح للوجبات الكاملة بس الحلو إنه حجم العلب صغير ينحط بأي شنطة وكل علبة الغطا مالها ينفر تحتها عشان مايضيع، وكل علبة تتوصل بالثانية بالغطا، أنا اخذت الستارتر باك اللي باللون الأخضر عشان معاها حامل وفيها قطعة وحدة من كل حجم: 40 ملي لتر، 60 ملي لتر، 100 ملي لتر و150 ملي لتر، وأخذت اللون الأبيض حجم 60 ملي لتر 3 علب مع بعضها ومن اللون الوردي حجم 100 ملي لتر علبتين مع بعض.

وهذي كانت كل المنتجات الغذائية، الحين دور منتجات العناية الشخصية، في كمن شي كنت أحتاجهم فسويت سيرج واخترت كمن شي.

[ واقيات الشمس ]

http://www.iherb.com/RoC-Multi-Correxion-5-In-1-Daily-Moisturizer-SPF-30-1-7-fl-oz-50-ml/68112

http://www.iherb.com/Andalou-Naturals-Facial-Serum-SPF-30-DIY-Booster-Unscented-2-fl-oz-58-ml/56227

http://www.iherb.com/Derma-E-Antioxidant-Natural-Sunscreen-30-SPF-2-oz-56-g/56972

اخترت 3 أنواع:

من ماركة روك مرطب 5 في 1 فيه حماية 30 من الشمس، يحمي البشرة من علامات التقدم بالسن ويعدل ملمسها وشكلها العام. دكاترة الجلدية يمدحون هالماركة دايماً،

من ماركة أنادالو، سيروم للوجه مع حماية بدرجة 30، يجدد البشرة ويحميها من العلامات، شكل المنتج غير عن الصورة بالموقع الظاهر غيروا الباكج لعصار، ماعرفها بس تقييمات منتجاتها بآي هيرب عالية

من ديرما إي وبعد نسبة الحماية 30 ومضاد للتأكسد. أول مرة أستخدم منهم شي بس وايد تنمدح الماركة مؤخرا في انستقرام،

[ العناية بالأسنان ]

http://www.iherb.com/Essential-Oxygen-Organic-Brushing-Rinse-Peppermint-16-fl-oz-480-ml/28373

http://www.iherb.com/Jason-Natural-PowerSmile-Antiplaque-Whitening-Paste-Powerful-Peppermint-6-oz-170-g/3857

http://www.iherb.com/Now-Foods-Solutions-Xyli-White-Toothpaste-Gel-Refreshmint-6-4-oz-181-g/885

http://www.iherb.com/Plus-White-The-Coffee-Drinkers-Whitening-Toothpaste-Cool-Mint-Flavor-3-5-oz-100-g/27382

أخذت 3 معاجبن اليسار سبق وجربته كذا مرة، الذهبي وايت بلاس جذبني إنه مخصص لازالة التصبغات الناتجة من القهوة، والأحمر من جاسن للتبيض ومحاربة البلاك، أما السائل الأبيض فهو سائل للفم، يستخدم لتعقيم وتنظيف الفم بالمضمضة من 30 ثانية إلى دقيقة وبعدها تنفرش الأسنان ببقايا المنتج وتنفرش بالمعجون بعده، ويستخدم كغسول، فيه 1% هيدروجين البيروكسايد درجته غذائية، صبار، نعناع، مسمار/قرنفل، ليمون، سينامون/قرفة وروز ماري/إكليل الجبل، خالي من الكحول، الجلسرين، البليتش والفلورايد، نافع لبياض الأسنان، جيوب اللثة، حساسية الأسنان، ولنفس منعش، جربته كذا مرة حبيت إنه تقريباً ماله طعم ومايلسع مثل عادة غسولات الفم...

[ فيتامينات البشرة والشعر والأظافر ]

http://www.iherb.com/Nature-s-Bounty-Optimal-Solutions-Hair-Skin-Nails-Extra-Strength-150-Rapid-Release-Liquid-Softgels/59921

قبل فترة بسناب تكلمت عن بيوتين ناترول وشلون ماحبيته أبداً ولا فادني مع إن قوته 10000، أفضل بيوتين جربته للآن هو هذا: مخصص للبشرة والشعر والأظافر قوته 5000 بيوتين وفيه عناصر ثانية، انا آخذه أساساً عشان أظافري ومستخدمة منه أكثر من 5 علب منه، ال5000 مقسمة على 3 حبوب تنأخذ كل يوم يفضل مع الوجبات، فعلاً يحسن من شكل الأظافر ويخليها تطول بسرعة بدون ماتنكسر، خلاص ماراح أغيره عشان جذي خذيت علبتين، يكفوني 100 يوم تقريباً لأن العلبة فيها 150 علبة تكفي 50 يوم، 100 يوم يعين ثلاث شهور وشوي مدة كورس كامل، بعدها بوقف شهر وبرد أخذهم بس عيبهم الوحيد ريحتهم ويتركون طعم خفيف بالحاق، طعم الحديد – باختصار ريحة المشتشفى! الحبوب جيلاتينية وأكثر من شخص راسلوا الشركة وأكدوا لهم إنه الجيلاتين المستخدم بقري، اللي بيتسخدمونه لازم يحطون بعين الاعتبار إنه كل جسم وتفاعله مع المكملات والفيتامينات تفرق وبالتالي النتيجة تفرق، وكونه يحتوي على فيتامينات وعناصر ثانية غير البايوتين الأفضل استشارة الطبيب خصوصاً للناس اللي ياخذون مكملات وفيتامين ثانية، البايوتين ما فيها اثبات طبياً إنه كقرته تضر الجسم والجسم يتخلص من الزائد عن حاجته منه باخراجه مع سوائل الجسم، أما العناصر والفيتامينات الثانية فمو كلها ينطبق عليها هذا الكلام وبعضها زيادتها تأثر على الجسم خصوصاً للأشخاص اللي ياخذون أنواع ثانية متعددة مع بعض.

[ منتجات الترطيب ]

http://www.iherb.com/Eucerin-Intensive-Repair-Extra-Enriched-Foot-Creme-Fragrance-Free-3-oz-85-g/45778

http://www.iherb.com/Now-Foods-Solutions-Shea-Butter-Lotion-4-fl-oz-118-ml/6690

http://www.iherb.com/Petal-Fresh-BCL-White-Radiance-Skin-Brightening-Manicure-Pedicure-Set-4-Piece-Kit/67973

http://www.iherb.com/Badger-Company-Organic-Cuticle-Care-Soothing-Shea-Butter-75-oz-21-g/48933

من اليسار كريم لترطيب ومعالجة كعب القدم من يوسيرين، جداً أثق بهالماركة وبالشتا خصوصاً أحب أركز على ترطيب الجسم خصوصاً كعب القدم والركب والأماكان اللي تجف بسرعة وانا مجربة هالكريم من قبل وحبيته، لوشن الشيا من ناو فودز حسيته أفضل بالمد والاستخدام من الزبدة الخام خصوصاً للاستخدام السريع، بس بعدني ماجربته، الأظرف الصغيرة الأربعة هذول يستخدمون بالترتيب لجلسة وحدة من المانيكير والبيديكير، الخطوة الأولى مكونة من أملاح البحر الميت لنقع اليد والقدم، الثانية مقشر للبشرة، الثالثة ماسك لاعادة الترطيب والحيوية للبشرة والرابعة كريم مرطب. وأخيراً العلبة المدورة زبدة الشيا لترطيب الجلد حول الأظافر، احب لما يكون منتج حول الأظافر بشكل زبدة لأن ترطيبه يكون مكثف ويبقى لساعات طويلة، جربت نعو من بيرت بيز ونوع من لاش وكلهم عجبوني.

وبس هذي كانت مشترياتي الأخيرة من آي هيرب. أخذت معاهم كيس بلاستيكي على شكل شنطة مكتوب عليه آي هيرب بس ماصورته لأن فيه الأغراض بس موجود بالسلة.

هذا اللنك اللي فيه كل المنتجات مضافة للسلة وتقدرون تغيرون فيه باللي يناسبكم طبعاً:

[ من هنا ]