| سوالف عيد: المكياج وشنطة المكياج |

يسعد صباحكم أو مساكم وين ماكنتوا

وكل عام وانتوا بخير وعيدكم مبارك والله يعوده عليكم وعلينا يارب 

كان مفروض انزل هالبوست قبل ليلتين بس انشغلت! 

قلت أتكلم عن مكياج العيد والأشياء الضرورية تكون بالشنطة في العيد...

طبعا أغلبنا بالعيد مانكون بالبيت، من الصبح بين بيوت الأهل والمعايدات

أنا وحدة أول وثاني يوم العيد اطلع من البيت الصبح وأرجع بالليل... 

فشنطة المكياج لازم تكون فيها أشياء ومنتجات وأدوات عشان هالوقت الطويل. 

بس أول شي.. نتكلم عن مكياج العيد.. 

العيد مناسبة سعيدة واحتفال وفرصة للتمكيج والكشخة خصوصأ مع الثياب الجديدة والعباة وكل شي يديد.. 

بس.. العيد مو حفلة! ماله داعي التهويل بالمكياج والألوان الصارخة والغليتر والشيمر الزايد عن اللزوم 

لا تنسون إنه أغلب الوقت بالعيد الطلعات والتنقل تكون بين بيوت الأهل والأصحاب.. يعني مو قاعات أعراص اللي كلها إضاءة وثريات وتكييف وتحتاج مكياج كامل وصارخ...! 

خصوصاً إنه العيد السنة صادف في الصيف وجو حاار ورطب خصوصاً بالخليج الله يعيننا :( 

قبل المكياج، تأكدي إنج تستخدمين غسول مقشر للبشرة عشان تكون البشرة مصقولة وسطحها أملس، واستخدمي كريم مرطب وبرايمر ضروري جداً

ت

| دليل تخفيض موقع نوردستروم السنوي، مراجعة وأهم الصفقات والاختيارات |

السلام عليكم

يسعد صباحكم ومساكم وين ماكنتوا

نوردستروم من أحلى المواقع للشوبنق أونلاين، تكلمت عنه من قبل في بوست الشوبنق أون لاين

http://la-beautiful-details.blogspot.com/2014/11/shopping-online-from-z_7.html

الموقع باختصار شامل.. مكياج، ملابس، شنط، شوزات، ساعات، نظارات، اكسسوارات، مجوهرات، أغراض ديكور، أغراض أطفال                                        

كل شي فيه ومن ماركات مختلفة، فيه ماركات رخيصة وفيه ماركات متوسطة وفيه ماركات هاي إند.

كل سنة نوردستروم عندهم تخفيضهم السنوي يستمر أسبوعين من نص شهر سبعة إلى بداية شهر ثمانية ميلادي.  وقبله بأسبووعين يكون السيل مفتوح لحاملين بطاقة نوردستروم، للأسف هالبطاقة بس لسكان الولايات المتحدة الأمريكية

بس الحلو إنه قبل مايبتدي السيل، نوردستروم ينزلون الكاتلوج بأهم الأغراض اللي بتنزل بالسيل، مع السعر قبل وبعد، وكونه مفتوح لحاملين البطاقات.. يعطينا مجال نعرف الناس شنو اشتروا.