{ Bloggers Collaboration: Top 10 Worthy High End Beauty Products | تعاون مدونات: عشر منتجات هاي إند تستحق الإقتناء }

السلام عليكم يا أصدقاء.

يسعد مساكم أو صباحكم وين ماكنتوا.

صارلي فترة غايبة عن المدونة.. وأعترف إنه السبب الأول والرئيسي هو.. الكسل. مع إنه عندي اكثر من 3 مواضيع أفكارها جاهزة وبعضها كتبت معظم الموضوع وبعضها جهزت لها الصور! بس دايماً أتعطل وأتأخر بالتنزيل.

أما موضوع اليوم فهو تعاون لطيف قررنا نسويه بين مدونات، وإن شاء الله يكون الباب لتعاونات أجمل بالمستقبل.

التعاون بين أمل من مدونة ترتر ثنكس و[هني] العشر منتجات اللي اختارتهم، أسماء من ذات رد ليب و[هني] العشر منتجات اللي اختارتهم، غادة من مدونة غادة ناين و[هني] العشر منتجات اللي اختارتهم وطبعاً أنا سناء من مدونة تفاصيل جميلة. 

واخترنا التعاون يكون مثل ماهو واضح بالعنوان، عشر منتجات من الهاي إند تستحق الإقتناء.

المنتجات من ماركات الهاي إند عادة يكون سعرها أعلى من الماركات المتوسطة أو العادية اللي من نفس النوع، حتى الباكج والتعليب نفسه الماركة تكون عاطيته إهتمام خاص، وماتنباع إلا ببوتيكات الماركة، سيفورا، أو الديبارتمنت ستورز مثل باريس غاليري، دبنهامز، ساكس، نوردستروم وغيرهم.

بالنسبة لي النواحي اللي تخليني أقرر إنه هالمنتج الهاي إند مميز ويستاهل او لا: أداء المنتج، إذا كان مكياج هالشي يبين بوضوح اللون، سهولة توزيعه ودمجه على البشرة، شكله بعد ماينشف أو يستقر على البشرة، بعد أطالع تنوع استخدام هالمنتج، هل هو مناسب للاستخدام مع مكياج محدد؟ أو ممكن استخدامه بأوقات متعددة، مناسبات مختلفة ومع عدة ألوان ولوكات مختلفة؟ وطبعاً الباكج نفسه وشكل المنتج الخارجي له دور.. هو صح ما يأثر على أداءه بس حسنة إضافية إنه يكون أنيق الشكل.

الحين يالله تعالوا معاي علشان تكتشفون العشر منتجات اللي اخترتها، وشنو اللي خلاني أحس إنها مميزة وتسوى الاقتناء؟