[ Bath & Body Works المنتجات المميزة، مشترياتي، والأسعار ]

مساء الخير من البحرين

شلوونكم شخباركم؟

موضوعي اليوم عن محل باث & بودي ووركس، المحل من فتح في دول الخليج صارله جمهور ومحبين وايد

وأنا منهم.. هالمحل من المحلات اللي لما أدشه أحسه بحر هههه ودايماً أطلع منه محملة خصوصا بموسم التخفيضات.. أقدر أقول إني تقريباً جربت 80% من أغراض المحل اذا مو أكثر!

فقلت أتكلم لكم عن هالأشياء.. شنو اللي تسوى وشنو اللي عادي تلاقونها بمكان ثاني.. طبعاً باث & بودي ووركس محل فيه كل شي يخطر على بالكم من منتجات الجسم والشاور.. مرطبات، لوشن، كريمات، شاور جل، رغوة، مقشر، شموع، هدايا، معطرات، وأشياء واايد. الحلو فيهم إنه كولكشنهم منوع وعندهم روايح واااايد من اغلب المنتجات.. من الفواكه لروايح البحر والروايح الخشبية والطبيعة لمنتجات ثانية.. تقريباً تناسب كل الأذواق أتوقع ماعدا اللي بشراتهم تحسس أو اللي يميلون للأشياء الطبية الي روايحها خفيفة او معدومة.  و شي ثاني حلو إنه كل سيزن / موسم ينزلون كولكشان بروايح والوان خاصة فيه. فالمنتجات والروايح تكون متجددة باستمرار غير الأساسيى، والشي الأهم إنه كل سنة عندهم السيل الكبير اللي يكون شهر 1 ميلادي تخفيض 50% على عدد كبير من المنتجات، وبعد أسبوعين تقريباً أو أقل يمددون التخفيض إلى 75% على المنتجات الباقية.. هذا التخفيض اللي أنا وغيري ننتظره بفارغ الصبر عشان نخم.  وبعد عندهم عروض وتخفيضات بين فترة والثانية.. شراء 2 والثالث مجاناً، شراء 3 و 3 مجان، شراء 3 والرابع مجاناً وهكذا.

Good day from Bahrain!

How are you all? How’s New Year so far? My post today is about Bath & Body Works, it became one of people’s favorite places to shop such products since it was opened only few years ago in the GCC region.

I’m one of the fans; I can safely say I’ve tried around 80% of their products range! So I thought about posting this to share my thoughts, what do I keep buying, what are my favorites, what products did I buy only one time.

Bath & body Works have a very large collection of products and scents, from fruits, food, beaches, plants, trees, roses, flowers, woody.. So many scents to choose from and for every scents there is a huge range of products, lotions, butters, moisturizer, cream, spray, candle, hand washes… etc

They also have limited edition scents / products for special seasons, so there are always new additions. And of course their SALES! They have the BIG SALE that most people anticipates which is 50% OFF on a big range of the products, this usually starts in January every years then it extends to up to 75% OFF on the remaining stocks!! And also there are the different BOGO Sales during the year.

ببتدي بالمنتجات اللي واايد احبها وأحسها مميزة عندهم، وبعدين بذكر المنتجات اللي جربتها وحسيتها عادية.. أنا صراحة ماجربت منتجات سيئة منهم بس في منتجات ماقدر أقول عنها مميزة أحس في أشباه لها بمحلات ثانية..

I will start reviewing my favorite products that I keep buying again and again, then I will talk about products that I think they are nice but no so unique, I haven’t try anything bad from them yet, but I felt some products are fine and can be found elsewhere easy.

ببتدي بالمنتجات اللي واايد احبها وأحسها مميزة عندهم، وبعدين بذكر المنتجات اللي جربتها وحسيتها عادية.. أنا صراحة ماجربت منتجات سيئة منهم بس في منتجات ماقدر أقول عنها مميزة أحس في أشباه لها بمحلات ثانية..

I will start reviewing my favorite products that I keep buying again and again, then I will talk about products that I think they are nice but no so unique, I haven’t try anything bad from them yet, but I felt some products are fine and can be found elsewhere easy.

أول شي صابون اليد السائل.. متابعيني في انستقرام أتوقع حفظوه من كثر ما أتكلم عنه. عندهم نوعين من الصابون السائل:

النوع الأول صاير قوامه جل كثيف نواعاً ما وفيه حبات صغيرة.. والثاني صاير سائل ملون حسب الرائحة، النوعين موجودين بكل الروايح واثنينهم بنفس السعر سعرهم العادي دينارين ونص وفي التخفيض يصيرون دينار وميتين وخمسين فلس وأحياناً يوصلون إلى 750 فلس

أنا جربت النوعين وحبيتهم اثنينهم، النوع الأول الحبيبات اللي فيه احسها تقشر اليد تقشير خفيييف تصير اليد ناعمد من بعده بس بنفس الوقت شوي يخليها تجف.. فالأفضل بعده على طول كريم مرطب، الثاني السائل يطلع من البمب على شكل رغوة.. خفيف على اليد ينظف بدون تقشير وماحسيته يجفف.

جربت منهم روايح متعددة وماقدر أقول لكم شنو الأحسن! لأن يعتمد على الذوق الشخصي، أنا في صابون اليد أحب الروايح الخفيفة والباردة، بعض الفواكه، روايح الكيك مثلاً، البحر، الازهار اللي ريحتها خفيفة.. وماحب الروايح القوية مثل اللافندر والياسمين والسكر القوية والبرتقال..

التستر دايماً موجودين وحتى عندهم مغاسل فتقدرون تجربون الريحة قبل ماتشترونها. عندهم روايح واايد عادي تطوف الثلاثين! أحب الروايح اللي تنزل في موسم الصيف وموسم الكرسمس.. تكون حلوة ومميزة.

First is the liquid hand soaps, I've talked about those many times in my Instagram! (@Sanooya) they have 2: One is gel a like with micro beads, another is a liquid, both come in all scents and they retail for the same price, regularly BD2.500 does to BD1.250 on SALES and sometimes to BD0.750 fils. I've tried and loved both, the gel feels like a light scrub and my hand feel soft after it, but it starts to dry fast so it’s better to use a good moisturizer after it. The another one is liquid that turns to foam when you pump it, it’s light and cleans well but without scrubbing, hand doesn't dry fast after it too.

I would recommend both, but I can’t recommend specific scents because it really depends on your taste, for me I like some fruit, beachy scents and some food (like Cupcakes or Cookies!) and fresh scents like cotton but I hate stronger scents like Orange, Jasmine, Strong Sugar… etc. You can always try them to choose what suits you! They have testers and sinks to test the products too.

ثاني شي، الشموع المعطرة متوفرة بأحجام متنوعة وبكل الروايح تقريباً، أكبر حجم هو أحسن شي تشترونه فترة التخفيضات! سعره حوالي 8.500 دينار بحريني وفي التخفيضات غالباً يوصل نص السعر 4.250 وبعدين ينزل غلى دينارين بس! عاد لما يوصل دينارين لازم تلحقون عليه من أول يوم ولا بيطير نفس ماصادتني السنة هذي شريت أول مجموعة بتخفيض الـ 50% لأن خفت يخلصون إذا انتظرت لين الـ75% وما احصل الروايح اللي بغيتها.. بعد أسبوعين تقريباً زادوا التخفيض وصار سعر الكبار  دينارين على روايح محددة وبسيطة.. والاسبوع الثالث سووا التخفيض على اغلب الروايح وصاروا بدينارين! من حظي الحلو إني كنت موجودة فاشتريت  خمس زيادة.. وانقهرت شوي لأن كم وحدة من اللي شرتيهم بالتخفيض الاول شفتهم قدامي بدينارين ههههههه

الحجم الكبير عندهم بـ 8.500

الحجم المتوسط اللي يكون شكله مثل غرشة وتنصك بغطا  معدني سعره أعتقد 7 أو 7.500

وفي حجم ميني صغير وايد سعره الاصلي أعتقد دينارين  ومو متأكدة في حجم بالنص بين الميني والمتوسط ولا لاء

كلهم متوفرين بنفس الروايح فرق الحجم والسعر بس.. طبعاً الصغار ما انصح فيهم لان احس مايمدي ابتدت تطلع ريحة الشمعة ولا خلصت!  اما الكبار هم افضل واوفر نوع يبقون مدة طويلة لعدة استخدامات وريحتهم تبقى، والمتوسطين بعد حلوين ريحتهم يمديها تطلع ويكفون كذا استخدام..  ممكن تشترونه للمساحات الصغيرة او اذا تملون من الروايج بسرعة.

مثل ماقلت متوفرين بكل الروايح.. انا بالشموع احب رويح الفواكه أحسها  منعشة مثلاً اللي على خوخ ريحتها لطيفة وحتى تفاح الواسابي بعد جداً مريحة.. وفي وحدة على عنب وتوت، وحبيت بعض روايح السويت مو كلها مثل اللي نزلوا لمتد ادشن  للكرسمس بالرد فلفت والكوكيز، بس ماحب الروايح السويت القوية تصدعني نوعاً ما!..

هذي اختياراتي من الشموع هذي السنة

أحسن طريقة تطفون فيها الشموع إنه بعد ماتحسون انه طلعت ريحتها وتمت وقت كافي، اخذوا الغطا وغطوها لين تنطفي بروحها، أحسن بوايد من بما تهفون عليها وتطفونها تنتشر ريحة الحرق والكربون بالمكان وتخرب ريحة الشمعة.

Then comes the scented Candles, they have them in different sizes and almost all their scents. The largest ones are the best to be bought in Sale, they retail for BD8.500, goes down to BD4.250 first then after a while they go down for only BD2!! But you gotta be fast on the last reduction because they usually sell out in day one! This year’s sale I got few from the 50% sale as I wasn’t sure the ones I liked will still be available if the sales goes to 75%, around two weeks later they lowered a very small collection to BD2 but I didn’t like them that much, then on the third week they had almost all the candles in the 50% down to BD2!! I snapped 5 again, and I saw some of the ones I got first for BD2!! Ughhh.. I was lucky I passed by while they were just putting the newly discounted labels and I was able to choose! By next day most of them were GONE!!!

I believe they have 3 or 4 sizes?

The largest one retails for BD8.500, the medium with cap for BD 7 or BD7.500 and I think the mini is for BD2, I’m not sure if there’s a small size between the Medium with cap and the Mini

I recommend buying the largest ones, they are big, the scent is strong and it will take several uses for the candle to die, the medium is good too specially for smaller corners it will  look  better in place, but I don’t recommend the mini at all! I feel like the candle will die even before the scent starts to show

I mostly use them in my bedroom, I love fruity scents, some of the sweets (not the very strong), some of the florish & woody scents, it really depends on the season and on your personal tastes, you can easily open them, smell them and choose!

All of them come with covers, for the best results after having the candle for enough time and the room is already scented, just cover the candle and the flame will die, instead of blowing it and having the burning smell all over the place.

Those are the candles I got this year

Hopefully they will be enough for me until next Sale, I’m waiting their BOGO sale on everything to snap from the Autumn Candles, they come in darker glasses and have amazing scents! But they don’t go on the big Sale.

ثالث شي أنتظر السيل عشان أخم منه.. معطرات الجو الكهربائية.. المحول ينشرى بروحه والمعطرات تنشرى بروحها سعر المحول اعتقد 3.500 دينار والمعطرات مثل سعر الصابون سعرهم الاصلي 2.250 وينزل إلى 1.250 واحيانا إلى 750 فلس، روايحهم مثل المتوفرين بالشموع والصابون المزعج فيهم انه احيانا مافي تستر! تقدرون تشمون الشمعة اللي تحمل نفس الاسم اذا التستر مو موجود.. انا ساعات اخذ على الاسم اتخيل الريحة ههههه  لاحظت ان اغلبهم روايحهم هادية ومقبولة يمكن ماعدا روايح الفواكه مثل الليمون والسويت تكون اقوى من غيرها.. الحلو انها تبقى مدة طويلة الوحدة يمكن تبقى شهر ونص إلى شهرين أو أكثر.. وتبديلها مريح مجرد ينشال الشريط اللاصق وبالفر تنحط بالمحول وتنحط بالكهربا. هذا المجموعة اللي عندي حالياً.. الباقين من تخفيض اللعام واللي خذتهم من تخفيض السنة.

The third thing I always get in quantities is their fragrance refills and plugs, you buy a plug and there are refills with many scents, just like the candles and hand soaps, the bad thing is that not all of them have testers! But you can smell the candle with the same name, they are convenient and easy to use, the one refill stays for around 1.5 to 2 months or maybe more, so I just buy a plenty of them from year to year, here are the ones I got this year with the remainings from last year.. BTW I feel jealous!! I entered BBW US site and they have beautiful plugs!! Birds and flowers while we only have the plain ones in GCC!! WHHHHY :’( Plug original price is BD 3.500 I think and the refills are same as the hand soaps: BD2.500 goes to BD0.750 – BD1.250 in Sale.

وتعرفون طبعاً اني مهووسة بكريمات ومنتجات اليد! من المنتجات اللي انهوست فيها فترة من باث اند بودي كريمات اليد الصغيرة.. عندهم نوع عادي ونوع بالشيا بس اعتقد  الحين قطعوا اللي بالشيا وخلوا العادي مع تغيير الباكجنغ.. هالمجموعة اللي عندي شريتها يمكن بالسنة ونص اللي طافت كذا مرة.. استخدمت منهم كمية وبقوا هذول طبعاً ماختربوا لان اليدد مو مفتوحين ومايتعرضون للشمس والحرارة المباشرة.. عاد مادري ليش قطعوا كولكشن الشيا كنت أحب ترطيبه! متوفرين بعد بكل الروايح.. شوي ذوقي يختلف بكريمات اليد ماحب الروايح القوية وافضل الباردة، اللي عندي كلهم من قبل تغيير الباكجنق اما من الاشكال اليدد للحين ماشرريت من كريمات اليد فمادري شلون ترطيبهم.

You already know I’m obsessed with anything related to hand moisturizing! In the past 1 ½ years I bought plenty of BBW hand creams, but all of them are on the old packaging so you may not recognize them now in the store shelves, I still have them because some are still new and I store them in my room with no direct heat or sun so they are still good! I used to love the ones with SHEA I believe they discontinued them? I haven’t tried the newer collections yet so I don’t know how is the moisturizing, in my hand creams I prefer light & refreshing scents.. I don’t like them strong. Here is my not-so-new collection

خلصت من الأشياء اللي أشتريها بكميات لأنهم متوفرين كولكشن كامل بكل الروايح..

هالمنتجين حبيتهم من ركن البلو سبا..

الوردي الاصغر هو سكرب لليد.. بالسكر والبرغموت والليمون قومة كثيف مع حبيبات ويستخدم على اليد المبلولة شوي منه ويتفرك لمدة دقيقة وبعدين ينغسل، يعطي ريحة منعشة وفعلاً ينعم اليد.. هذي ثاني علبة اشتريها بس حطوا بالكم لما تستخدمونه شيلوا منه بملعقة صغيرة بلاستك.. لا يدشه ماي لأان كل مادشه ماي بيصير سائل أكثر ومفعوله بيقل. يتم مدة طويلة عالاقل ثلاث شهور اذا مو أكثر.. أنا استخدمه بالاسبوع مرة او مرتين  او كل ماحسيت يدي تحتاجه، كل ماكان الماي دافي كان أحسن.. سعره 6.500 دينار.. عجييب

المنتج الثاني من نفس الكولكشن بس خاص للريول.. لونه ازرق فيروزي وباعشاب مختلفة البابونج واللافندر والسترس او البرتقال.. اخذته على اساس سكرب / مقشر للريول بس طلع لا، مستحضر ينحط بالماي الحار ويتذوب فيه وبعدين تتنقع الريول فيه.. يرخي الريل وينعمها ويهديها.. حبييييته صج احس باسترخاء عقبه، خصوصا ان انا صديقة الكعب  مثل ماتعرفون يعني ارد البيت ريلي تصيح مسكينة.. استخدمه مع منتجات ريول ثانية تقريباً مرة بالاسبوع.. وفعلا الريل تتم طرية وناعمة لنهاية الاسبوع تقريباً.. حجمه راهي وبتم جم شهر لان تحتاجين كمية بسيطة، سعره 7.500 دينار

Enough from things I get in quantities and backups lol!

Another 2 products I love from the True Blue Spa Collection

First, the pink is their 60 seconds manicure hand scrub with sugar, this is a cute pink scrub that smells fresh – citrus, and this really works! I love using it once or twice a week or whenever I feel my hands are dry or hard, take little and message it on wet hands, fingers, nails & cuticles for one minute and you get s really smooth hands, it also lasts for days and I found that it works better with hot/warm water. The container will last at least 3 months I would say, it retails for BD6.500

The other product is Chamomile & Lavender foot soak, a turquoise blue powder; I first thought this is a scrub but no! It’s a feet soak. You take handful of this in hot water, it will melt in the water coloring it blue then you soak your feet, I usually massage them little bit while they are soaked. You know I always wear heels so you can imagine how my feet feel when I’m home! When soaking this, I really feel relaxed  and my feet are softer for at least 5 days! I highly recommend this; I use it once a week and it retails for BD7.500

بين فترة لفترة أشتري منهم معطر لسيارتي.. يكون قطعتين كل قطعة تنباع بروحها قطعة بلاستيك متوفرة بأشكال وألوان مختلفة طريقتها مثل المشبك تتركب بالسيارة, ناسية سعرها اتوقع الاصلي بـ 3.500 وبالتخفيض توصل دينار ونص وبعدين 750 فلس. والمعطر ينحط داخلها شريحة شفافة وداخلها سائل.. تنحط داخل البلاستيك وتتعلق بالسيارة بحيث تكون تحت أشعة الشمس عشان تنتشر ريحتها سعرها دينارين وبالتخفيض تصير دينار.. الروايح تشبه معطرات الغرفة الكهربائية

Every while I also buy Scentportables for my car, the holders are available in different shapes and colors I think the price is BD 3.500 goes to BD0.750 – BD1.500 on Sales, and the refills are sold separately for BD2 – goes to BD 1 on Sales. I use it in my car; the refill must be under the sun in order to get it.

الاشياء اللي فوق هي الأشياء اللي اعتبرها مميزة عندهم عن باقي المحلات المشابهة / المنافسة.. في منتجات ثانية أحب أشتريها من عندهم بس ما أقدر أقول إنها مميزة أو ماقدر ألاقيها إلا عندهم.. بس أحب أشتريها عشان الروايح والسيل طبعاً.. بين فترة وفترة لما أروح آخذ فرة على الكولكشنات الجديدة

بودي سبري الجسم عندهم متوفر بكل الروايح تقريباً.. انا افضل الروايح الباردة الخفيفة، مرطبات ولوشنات الجسم عندهم كذا نوع انا عندي منهم نوعين اللوشن تقريباً يعتبر أخف واحد، والعبوة الكبيرة العصارة كريم الترطيب الثلاثي أحب ترطيبه يمتصه الجلد بسرعة نسبياً وريحته حلوة.. النوع الثالث حالياً ماعندي منه للتصوير بس نوعيته زبدة الجسم هو أثقل واحد وعلبته تكون مدورة. وعندهم الشاور جل بعد متوفر بكل الروايح.

الحلوو في هالمجموعات انهم حلوين لهدية بسيطة او لطقم تشترونهم للاستخدام الشخصي يكونون متوفرين اللوشن والشاور جل والسبري في علب حلوة

أسعارهم مو متأكدة اعتقد بين 5- 6 دينار للواحد وفي السيل يوصلون دينارين ونص وبعدين ينزلون لدينار ونص او اقل بس اعتقد الزبدة المدورة اغلى يمكن بـ 7

اللوشنات والشاور جل والبودي سبري يتوفرون باحجام صغيرة بعد

وعندهم بعد معقمات يد ناس وايد يحبونهم انا ما أميل لاستخدامهم احس ينشفون اليد افضل اغسل يدي بالصابون السائل، بس مفيدين للشنطة والسفر مثلاً.. الحجم ميني سعره اعتقد دينار ونص ومتوفر بكل الروايح.. وفي لهم اكسسوارات بعد تعليقة عشان يتعلقون بالمفاتيح او الشنطة.

The things I talked about on brief are my favorites that I keep buying frequently, I buy other things from them too but they can be found in other stores, I like to check the new collections from BBW and I would buy from the new scents

Their Body Sprays, Shower Gels, Body Moisturizers which I believe available in 3 types: the body lotion which is the lightest and comes In a bottle similar to the shower gel, then there is the triple moisture body cream, I like this it comes in a tube, it moisturizes well and it absorbs fast in the skin. Then there is the Shea body butter which I don’t have to photograph but it’s the thickest among them.

All come in all scents and they retails for BD 5 – 6 each usually go into BD2.500 then  around BD1 – 1.500 in further reductions, I think the body butter is 7 maybe.

They are usually available in a gift set of 3 or 4 pieces, nice for a gift or to keep in your bathroom.

The lotions, shower gels & body sprays are also available in smaller sizes.

Many people buy their mini hand sanitizes (BD 1.500 Reg) and special holders to hang them in the handbags or key chain are available separately; I don’t prefer using hand sanitizes because they make my hands dry! So whenever I can it’s better to wash my hand with the liquid soaps, but they are good for your handbag for trips and travelling, available in the full collection’s scents.

ووووبس..!

أعتقد مانسيت شي.. هذي كل الاشياء اللي حربتها من باث & بودي ووركس وارائي فيها بالتفصيل، إن شاء الله يكون عجبكم بوست اليوم، كل الاسعار ذكرتها بالدينار البحريني.. تقجرون تستخدمون محول العملات الموجود فالشريط الي عاليمين عشان تعرفون السعر بعملتكم المحلية.

وقولوا لي شنو تحبون أكثر شي من باث & بودي؟

& that’s all I think

That’s all the products I tries from Bath & Body Works

All prices are in BHD (Bahrain Dinar) you can use the currency convertor to the right to know them in your currency.

& share with my your favorite picks from BBW!

التوب! مفضلات سنة 2014 2014 | Elite: Favourite Products of the Year!

التوب! مفضلات سنة 2014 

2014 Elite: Favourite Products of the Year!

السلام عليكم ورحمة الله وبركاته 

دخلنا سنة جديدة، آتمنی تكون سنة سعيدة مليانة بالفرح والايجابية وتحقيق الاهداف والاحلام.. من خططي للسنة الجديدة آعطي وقت اكثر لمدونتي واحاول انظمها، بما اني كل فترة اكتب موضوع بس تقريباً بعشوائية، ببالي احاول مرة او مرتين بالاسبوع للتدوين، غير الريفيوز المعتادين والمشتريات، اخصص وقت للآسئلة ووقت للتجربة وغيره، عموما للحين مارتبت الافكار عدل بس ان شاء الله قريب. 

موضوع اليوم هو موضوع مفضلات سنة 2014، المنتجات اللي تميت ارجع استخدمها بشكل متكرر طوول السنة، بعضهم عندي اياههم من بداية السنة وبعضهم من اوقات لاحقة. 

Hello Everyone! & Happy belated New Year! 

I hope it’s going to be a year full with Happiness, Joy, Success and Positivity! I’m planning to give more attention to my blog and organise it more, & blog more! I’m planning to assign 1 or 2 days a week to blog, and to have a system: other than hauls and swatches, keep space for FAQs, Experiments & others. But I’m still organising my thoughts. 

For today I have My 2014 Elite Favourites to share with you all! Stuff I loved and used a lot during the year, even though some of them were purchased later on 2014.

Sorry for not translating! every time I want to translate I fell asleep! I thinks that’s because eI wrote everything in Arabic first not as usual translating every paragraph then writing the next, but I will translate it this week so check back next week! xoxo

ببتدي بمنتجات البشرة، من التنظيف للترطيب، التقشير، الوقاية، العلاج، الماسكات.. 

هذي مجموعة منتجاتي المفضلة.. 

للتنظيف،، 

سائل بايوديرما للتنظيف وازالة المكياج اسميه الماي السحري لان قوامه مثل الماي ويشيل المكياج بسهولة وماتتحس منه لا البشرة ولا العين. ممتاز ولازم كل بنت يكون عندها منه، يمسح المكياج بس ماعندي عن غسل الوجه. 

لمسح مكياج العين الثقيل والواتر بروف واللونق لاستنق، مزيل بالمز اوي من ذا بالم.. ينظف العين ويمسح كل المكياج حتى الثقيل مثل كحل انجلوت، قوامه لزج مثل الفازلين وبتدليك كمية بسيطة على العين بشكل دائري عشان يتفكك المكياج، وبعدين ينمسح بقطنة.

لغسل الوجه بعمق،، غسولي المفضل افين السائل الاخضر، جربت وايد بس ماحبيت شي كثر هذا احسه ينظف البشرة وينقيها تصير نااعمة بعد التنظيف، وطبعا استخدمه مع فرشتي ميا تو من كليراسونك فرشة تنظيف وجه رهييبة تنظف من قلب واستخدم معاها راس تنقية المسام، سبق وكتبت عنها بوست كامل:

http://la-beautiful-details.blogspot.com/2013/05/clarisonic-mia2-face-brush-2.html

بعد التنظيف دور المقشر والماسك، المقشر اللي حبيته من اوريجينز بيوديرم فريكشن.. مقشر قوي نوعاً ما يستخدم على البشرة النظيفة وهي جافة، مساج بحركات دائرية لين تختفي حبيبات المنتج على البشرة بعدين ينغسل بماي ويتنشف، المقشر قوي نوعاً ما خصوصا عالبشرة الحساسة.. بس دايماً بعد ما استخدمه احس بشرتي لييينة وسطحها مستوي.. بس يحتاج مرطب بعده. 

ماسكي المفضل من كيهل لتنقية البشرة والمسامات يتوزع على بشرة نظيفة مافي مانع لو كانت شوي رطبة وينترك لين يجف وينغسل.. صج ينقي البشرة ودايماً احسها تكون مشدودة بعده. 

بعد التنظيف والتقشير والماسك دور الترطيب والعلاج.. للعلاج استخدم اكريتن عشان الريتن اي لفيتامين الف لتجديد البشرة.. طبعاً هالكريم طبي ولازم استخدامه حسب التعليمات.. ينحط على بشرة نظيفة وجافة بعد غسلها بنص ساعة، وينحط كمية صغيييرة كبر حبة الحمص يتوزع باطراف الاصابع على البشرة مع تجنب حول الشفايف والانف والعين، ببداية الايام ينحط يوم وترك ولمدة قصيرة لين تتعود عليه البشرة. لازم ينحط بالليل والصبح لازم نحط واقي شمس قوته 30 على الاقل. الكريم طبي ينباع بالصيدليات ولازم تتبعون تعليمات اطباء الجلدية بدقة وتحملوا تخلطونه مع اي مستحضر دوائي ثاني! 

وهالكريم مع الوقت يجدد البشرة في البداية تتقشر وتجف فالترطيب بعده مهم، ضروووري استخدام كريم مرطب طبي مضمون وخالي من العطور.. انا استخدم كريم فيسيوجيل الابيض اللي بالصورة بعد من الصيدلية.. اخذ كمية بسيطة منه واوزعه حتى قبل المكياج بس احطه قبل نص ساعة. 

المنتج العلاجي الثاني كريم سكينورين للحبوب واثارها بعد هالكريم طبي احطه فقط على الحبوب واثارها.. يحرق ويلسع بس مفيد.

لترطيب تحت العين استخدم كريم الافوكادو من كيهلز بعد.. مرطب يستخدم بالليل والنهار اخذ نقطة واوزعها من برة داخل حول العين وعلى الجفن، راائع بس مطب ويطري المنطقة مو علاجي ولا ياثر بالهالات. 

اخر شي مرطب الشفايف حبيت اثنين، المدور الازرق من بلستكس استخدمه بالليل لانه ثقيل ويرطب الشفايف عدل، الثاني المعصار من جاك بلاك استخدمه للنهار لانه طبي وفيه حماية 20 او 25 من الشمس. 

استخدم بعد مركز كيهلز الليلي بالزيوت الطبيعية، نسيت اصوره بالصورة الجماعية احطه بعد الاكريتين بساعتين تقريباً.. خمس قطرات براحة اليد امسحهم باليدين وبعدين ادلكه على بشرتي بحركات دائرية.. اقعد الصبح بشرتي طرية وفرش بدون ماتكون مدهنة.

خلصنا من العناية بالوجه انتقل للعناية باليدين، مادري اذا قلت لكم من قبل بس انا مهووسة بمنتجات اليدين خصوصا الترطيب والمقشرات! من السياقة والشمس دايماً احس يديني اكثر حزء يتضرر.. احيانا ما افتح شنطتي الا داخلها 3 كريمات يد :\ 

لغسل اليدين احب استخدم صابون باث اند بودي ووركس السائل ودايما اشتريه بالكميات من السيل!

في نوعين.. نوع جل بالحبيبات وفيه تقشير خفيييف والثاني سائل يتحول لرغوة.. احب الاثنين وارتاح لهم، لترطيب اليدين المكثف احب كريم كيوفي الوردي.. وكريم هاند سالف الابيض من كيهلز، اثنينهم ثقال نوعاً ما وقوامهم كثيف بس يرطبون عدل بعد ماتمتصهم البشرة، وحبيت بعد كريم توكا وكريم ووركنغ هاندز اثنينهم وصلوني باحجام ميني.. قوامهم خفيف بس يرطبون عدل وريحتهم حلوة والازرق من سي ان دي مخصص لمقدمة الاصابع وحول الاظافر يطري الجلد الجاف.

بعد اليدين، دور الاظافر.. انا وااايد اصبغ اظافري، اظافري بطبيعتهم الحمدلله وما شاء الله قواي ويطولون بسرعة، يدي اليسار ما اواجه فيها مشكلة دايما الاظافر مرتبين، اما اليمين لاني اكتب باليمين واستخدمها بوايد اشياء، بين فترة والثانية يتكسرون اظافري اليمين!

نبتدي بالمقويات، افضل مقوي جربته السنة من ماركة اورلي.. الوردي طريقته ينحط بداية الاسبوع وكل يوم تنضاف طبقة لنهاية الاسبوع ينمسح وتحطي من جدي وتزيدين طبقة كل اسبوع.. وبعدين تنعطى الاظافر راحة اسبوع وتكررين الاستخدام مرة ثانية اسبوعين، استخدمته فترة كنت مركبة اكريلك بصالون ركبوهم لي غلط .. صجاجرمت بحق ظفري ضعفوا بشكل رهييب… هذا المقوي فعلاً فادهم من ناحية النمو والتغذية. 

منتج ثاني للتقوية يستخدم بكل حذر لانه فيه فورمالهيد مادة تستخدم بالتحنيط! يخوف صح؟ هذا يعتبر دوا وغرضه الاساسي يستخدم للاظافر الضعيفة اللي تتقشر.. يخلي الطبقات تنلحم ببعضها..

استخدامه لازم يكون حذر ودقيييق: اول اسبوع يستخدم مرتين بالاسبوع، يتوزع بالفرشة علي الجزء الخارجي من الظفر بدون مايلامس الجلد، وبعد مايتوزع على كل الاظافر تتوجه لتحت لمدة ثلاثين ثانية لين تمتصه اطراف الاظافر، بعدين يستخدم مرة بالاسبوع لمدة اسبوعين وتوقفين بعدين تستخدمينه حسب الحاجة مرة بالاسبوع. 

انا افضل قبل استخدامه احط منتج للكيوتكل حول الاظافر على الجلد عشان يشكل عازل..

احسن منتجات كيوتكل احبهم.. من سي ان دي زيت السولار اويل رهيييب يرطب ويلين الاطراف الجلدية، الثاني زبدة الاظافر بالليمون من بيرت بيز.. كثيفة تشبه الفازلين بس تتدلك على الجلد تطريه مع الوقت. 

هذا بالنسبة للتقوية والترطيب بعد الصبغ، اما قبل الصبغ لااازم استخدم بيس كوت خصوصا مع الالوان القوية.. اكثر اثنين احبهم من ايري ريدج فيلر هذا يملي فراغات الاظافر يخلي السطح مستوي،، يصلح خصوصا للالوان الفاتحة والصعبة مثل الابيض..

والثاني بيس كوت نيل فاونديشن من بتر لندن يعطي تقريباً نفس المفعول ولاحظت انه يشكل طبقة عازلة.. بعد يومين او ثلاثة يبتدي ينشال بروحه بدون اسيتون! 

واخيراً بعد الصبغ.. توب كوت انستا دراي من سالي هانسن الاحمر، كنت باخذ القطرات بس ماحصلتهم واخذت هذا.. شفاف ينحط فوق الصبغ.. ينشفه ويخليه لماع عجيييب، بعد مايجف حتى لما اضرب ظفري بشي ماينحفر ولا ينقشر.  بس عيبه بعد فترة يبتدي يتكتل ويصير كثيييف. 

ومازلنا مع الاظافر.. وهذي احلى الوان حبيتها ب 2014.. من اليمين:

من ايزي اسمه فيجي.. لونه بيبي بينك حليبي يهبببببل تطلع اليد وايد ناعمة فيه

الباين سنو من او بي اي.. احلى ابيض جربته انغرم بيدي لما احطه ودايماً انسال عنه

بيبي جين من مارك جيكوبز من احلى درجات النود اللي جربتها بيجي يهبل ناعم وانيق

من اسنز اسمه بيربل شوقر.. بنفسجي واايد حلوو وحيوي اغمج شوي من الباستيل لمعته حلووة جنه جل

واخر شي فور اودري من جاينا غليز.. درجته تيفاني بلو عجيب احلى درجة تيفاني جربتها وبعد على طول انسال عنه لما احطه. 

اما بالنسبة للشعر.. طبعاً انا عقدتي الشعر خخخخ بس بعد احاول دايما ادور مستحضرات حلوة..

لسنة 2014 حبيت شامبو افالون اورقانكس من موقع اي هيرب وايد حلو وكل ما اقول لاحد عنه يعجبه، وعجبني سبري صغير لحيوية الشعر وريحته حلوة بعد، وصلني مع واحد من البوكسات الشهرية بس مادري من

،وللحماية من حرارة السشوار اللي ماعرف له ههههه.. احب حامي الحرارة من تريسمي والثاني من ماركة جيوفاني، ممتازين ومن نفس الماركة بعد حبيت السيروم والبلسم اللي ماينغسل 

والحين دور الجمال بعد ماخلصت منتجات العناية المفضلة، قبل ما ادش بالمكياج هذي عطوري المفضلة بسنة 2014،

عطر مارك جيكوبز ديزي فريش.. استخدمته اغلب السنة لانه خفيف وفريش صيفي اكثر بس طبعاً عارفين الخليج اغلب السنة صيف! ريحته منعشة على فلاور بس مو الروز ولا الياسمين اللي يصدعون! دايماً كولكشن ديزي من مارك جيكوبز روايحهم مميزة

والحب شانيل نمبر فايف طبعاً معروف، في البداية انزعجت منه قوي اول ما ارشه يدش بخشمي ريحته قوية جنه صابون! بس اكتشفت انه لما ارشه على ثيابي قبل ما البسهم بفترة كافية واشمه بعد مايستقر.. اممممم ادمان فعلاً مميز ورهيب.. مو لاستخدام يومي، والعطر الثالث كفالي تايقر عود من روبرتو كفالي.. فخم احبه للعباة وللشتا،، عجيب عجيب. 

والحين وصلنا للمكياج الحب والادماان 

البداية بمنتجات الوجه

آحلى برايمر حبيته كان مينرال فيل من اورغلاس.. لونه ابيض بس ينحط عالبشرة يصير شفاف وبس تمتصه البشرة يترك سطحها مخملي ونااعم جاهز للمكياج 

احسن فاونديشن لهالسنة كانوا اثنين، بيرفكشن لوميير من شانيل درجتي فيه رقم 30 ومن دولتشي & قابانا المات درجتي فيه 120 ناتجرال بيج.. بتلاحظون في السواتشز تحت على يدي انه دولتشي مايل للصفار اكثر.. على وجهي اثنينهم متناسبين واحبهم، يدي افتح من ويهي

كونسيلري المفضل طبعا ماك برو لونغ وير الدرجة ان سي 35.. اغمج مني مايل للمشمشي بس ممتااز للهالات اخذ نص بمب بس واوزعه بانامل يدي بحركات دائرية بعدين ادمجه بالطبطبة بفرشة او بيوتي بلندر. 

الهايلايتر المفضلين لهالسنة كانوا 3.. اول وحدة اورغلاس هي اضاءة وبودرة تثبيت بنفس الوقت لان على حسب الطريقة اللي تنحط تكون خفيفة ولا ثقيلة.. الدرجة اللي عندي لومينوس لايت لونها مثل ماتشوفون مشمشي واضاءتها خفييفة ماتبرق.. تمام للنهار

الاضاءة الثانية من ديو شارلوت تيلبري لونها ذهبي شامبين وهاادية بعد لمعتها مو قوية تناسب لكل الاوقات..

واخيراً ديور اللي درت عليها السبع دورات.. قوية للمناسبات والطلعات لونها صدفي ذهبي تهبببل

السواتشر حسب ترتيب الشرح

اما بالنسبة للبلاشرات والبرونزرات.. حبيت ثلاثة برونزرات بالاحرى آربعة بس ام اس اف ماك الدارك ضاع :( و آربعة بلاشرات

اول برونزر من ديو شارلوت تيلبري فيه حبات لمعة خفييفة يدوب يبين.. لونه فاتح يصلح ككونتور خفيف

الثاني كونتوري المفضل سكلبت من ماك تشوفون لونه بني مايل للرمادي بدون اي لمعة.. يناسب للكونتور سواء الوجه ولا الخشم

 اللي بعده برونزر ماك اكسترا دايمنشن ديلفك من كولكشن ماك الصيفي.. مطفي على ستن ومع انه مايل للبدتقالي شوي بس عالبشرة يطلع وااايد حلوو جنه تان.

ذا بالم سيندي لو صايرة بين البرونزر والبلاشر.. لانه فيه شيمر خفيف فانا دايما ادمجه مع الكونتور المطفي والبلاشر، ماحب البرونزر بلمعة

واول بلاشر مفضل لي ماك من كولكشن ريهانا.. لونه بطيخي غامج وايد حلووو خصوصاً مع البرونزر

 الثاني جينا من نارس مشمشي مطفي جميل

 والثالث مود اكسبوشر من اورغلاس عجيييب لونه بلم يهبل على البشرة اعشقه ولو تلاحظون بدى يصير مسطح من كثر ما استخدمته.

السواتشز من اليمين لليسار بالترتيب:

مفضلاتي من الارواج والمحددات… آغلبها فوشي ونود مايلة للبلم والروز والوردي

بالنسبة للمحددات اكثر محدد حبيته لهالسنة محدد نيكد من اربان ديكاي لونه موف نود وااايد حلو احب استخدمه مع كل الارواج النود والبنفسجية او حتى بروحه يهبل

ثاني محدد ند حبيته هو موف من نكس لو تشوفونه شلون صار صغر من كثر مابريته ههههه.. لونه نود على موف بعد.. شبيه لاربان ديكاي بس ذاك كريمي اكثر. 

المحددين الاثنين الباجين هم ماجينتا من ماك محدد فوشي مايل للبنفسجي احبه مع كل الارواج الفوشية، والثاني من دييقو ديلا بالما لونه وردي افتح من الفوشي رقمه 93 الحلووو فيه انه يناسب الدرجات الفاتحة يغمجهم بدون ماصير ميته، ويهدي الالوان الفاقعة. 

اما الارواج اخترت ستة كلهم من ماك هههههه مو تحيز بس بصراحة ارواجي المفضلين يبقون من ماك.. حتى لو اشتري غيرهم وماركات هاي اند ما ارتاح الا لارواج ماك!

اول روج فلات اوت فابيولس الحب الحب احلى فوشي جربته الدرجة تهبل فوشيه فيها بوهة بنفسجي وكونه ريترو مات فيصير مطفي تاام جنه مخملي ولا ينشف.. رهيب وتكلمت عنه وااايد

الفوشي الثاني ليكابل من ماك.. لونه فوشي بس درجته مختلفة، فوشي بس بنفس الوقت عملي مب فاقع ولا قوي وايد.. احسه يحلي ويعطي الويه رونق لما يكون باقي المكياج وايد خفيف 

الدرجات الثلاث الباقية كلهم فواتح ونود

فوكس لون نود بيبي بينك جداً جميل وهادي وعملي 

ميستيكال لمتد لدشن نزل بكولكشن الصيف وانا الصراحةو عادتي استخدم لون لمتد بهالسخاء هههههه بس جميل! لونه روز متوسط.. احبه مع بلاشر بلم او برونز يطع جميييل 

روج هوت التيتيود بعد لمتد لونه نود بينك فاتح وحلاته مع واحد من المحددات البلم اللي ذكرتهم فوق..

واخر روج بلامفل من ماك رغم انه لاستر بس لونه حلوووو مو شفاف.. لونه موفي على وردي، واايد عملي وجميل وحتى يصلح للتخلط

ترتيب السواتشز: 

محدد دييغو، محدد نيكد، روج بلمفل، روج فوكس، روج فلات اوت فابيولس، روج ليكابل، روج هوت التيتيود، روج ميستيكال، محدد نكس موف، محدد ماك ماجينتا. 

والحين دور مكياج العيون والسموحة نسيت اصور سواتشز بس تلاقونهم سهولة في النت 

احلى باليتات اي شادو عندي ل2014 كانوا: 

نيكد ون طبعاً.. الحب للآبد، توفيسد جوكلت بار.. عجيب هالباليت كفاية ريحة الجوكلت في الاي شادو! الوانه متنوعة بس عيبه انه شوي يتناثر يحتاج بيس كريمي، باليت ميت مات العجيييب لارم يكون عند كل وحده من ذا بالم جودة الشدوات رهيييبة والالوان كلها مطفية وعملية سواء بتستخدمينها بروحها ولا مع الوان ثانية للدمج! صج اللي ماعندها لازم تشتريه مابتندم، الباليت الثالث لوراك سكيني نود.. صغيرون هالباليت وفيه 7 درجات ترابية بين الغامج والفاتح، المطفي والشيمر يعني وااايد عملي،، بس يحتاج بيس قوي. 

احسن بيس اي شادو عندي بينترلي من ماك كريمي بيج اول ماينحط عالجفن يتوزع ويجف الحلووو فيه انه يوحد لون الجفن يخليه بيج فيصلح للجفون الغامجة ويضبط مع كل الشدوات تقريباً.. الثاني من اسنز على رخص سعره بس ممتاز وبعد يوحد لون الجفن بلون بيج مصوفر بس اهم شي ماتحطين كمية وايد عشان مايخطط. 

من الشدوات السنقل طبعاً بدون منازع شدوات ماك الاكسترا دايمنشن.. على اني ماحب اشتري شدوات سنقل بس ماك اكسترا دايمنشن مايتطوفون ملمسهم وثباتهم ولمعتهم رهيبة.

اكثر ماسكرتين حبيتهم سموكي لاش من ميكب فورايفر.. رهيبة تكثف وتطول، من زمان اسمع عنها وصج حبيتها لما جربتها، الثانية بيق لاشز البرتقالية من اسنز.. رخييصة بس عجيبة عجيبة ولا تتكتل.

وتكملة لمنتجات العين، الرموش اللي حبيتهم وايد هالسنة

من هدى بيوتي وتحديدا رقم واحد جيزيل.. بالنسبة لي واايد حلوين وطبيعيين وماحصلت شبيه لهم بمارك ثانية، اما الباجين جربت دقم 6 حلوو بس مب واو مثل رقم واحد وثقال.. ماجربت الباقي بس من تحربتي اقول انه رقم 1 من احسن الرموش اللي جربتهم اما رقم 6 عادي مستواه حلوو بس مو واااو 

وبعد حبيت رموش رد جيري مثل رقم 43 ودبليو اس بي واعتقد 82، وايد حلوين وخفاف على العين  (بالصص،ورة العلبة مكت،ب عليه 203 بس الرموش دبليو اس بي بس ضيعت علبتهم) 

واخر نوع حبيته رموش خبيرة التجميل البحرينية ازهار حبيل.. ملمسهم طبيعي وكلش مايبينون فيك 

اكثر شي مهم عندي بالرموش انهم يكونون خفاف على العين وان خط الرموش يكون ضعيف،، اذا الخط متين يحتاج ضمغ وايد واحس بثقل بعيني كلش ما ارتاح ابي اشيلهم باقصى سرعة! 

وآخر شي في المفضلات.. الفرش! وما ادراك ما الفرش بصراحة كان اختيار صعب لان عندي فرش ما شاء الله هههههه 

بس اخيرا استقريت على هالمجموعتين للوجه والعيون.. 

مجموعة فرش الوجه

للفاونديشن حبيت سيقما الكبوكي المدببة  اف 86 والمدورة اف 82، حذي شغل الفرشة يكون مضبوط وتوصل للحنيات بسهولة 

فرشة الكونتور من ريل تكنيكس من طقم الوجه.. ممتااازة هالفرشة مدورة وراسها صغير ترسم وتدمج خط الكونتور عدل.. وبعد تصلح للاضاءة 

وللاضاءة حبيت فرشة شارلوت تيلبري شعراتها مدببة ومب اوفر ناعمة ولا خشنة.. صج عجيبة توزع حتى اصعب الاضاءآت مثل اضاءة ديور هالفرشة اكثر فرشة ضبطت معاها.. وتوزع وتدمج بسهولة 

للبلاشر حبيت فرشتين، فرشة نارس ياتشي يو اليابانية.. فنانة للبلاشرات اللي ماتطلع بسهولة على الويه.. هالفرشة تشيل اللون وتوزعه عدل.. بصراحة سعرها غالي تقريباً 25 دينار بالشحن بس احبها واحسها تسوي لان احس بتدوم لي سنين، اما فرشة البلاشر الثانية فهي الفرشة الوردية من ريل تكنيك.. حجمها كبي نوعاً ما بس وااايد ناعمة فتوزع البلاش والبرونزر عدل ماتخافين انها بتحط وايد وبتصيرين جنج مهرج. 

إخر فرشة فرشة الباودر الكبيرة من ماك عندي اياها من اكثر من سنتين نزلت بكولكشن الكوتور.. احبهااا كبيرة وتوزع اي شي تبينه على كل الويه عدل، اذا بغيت اوزع ستنق باودر لا لمسة برونزر نهائية على كل ويهي او لوز باودر

المجموعة الثانية فرش العين كان الاختيار اصعب من الويه لان صج عندي وااايد فرش عيووون!! 

اول فرش حبيتهم للكونسيلر تحت العين وتنظيف تحت وحول الحاجب والبيس الكريمي.. واحيانا الكونتور الكريمي رغم استخدامي القليل له. 

فرش سيجما الكبوكي للعين.. نفس فرش الويه حبيت المدببة بي 86 والمدورة بي 82، استخدمهم حتى لتوزيعات بيسات الايشادو الكريمية مثل بينترلي من ماك او حتى اللي نوعهم معصار مثل ذا بالم

بعدهم فرشة الحواجب طبعاً الحب آنستازيا رقم 18 بصوبين صوب فرشة حواجب وصوب مشط.. شعرها ممتاااز وتصلح للمنتجات الكريمية والباودر شعرها قصير ومتماسك تتحكمين فيها بالرسم بسهولة. للإي شادو حبيت فرشتين، من ماك للأي شادو مادري كم رقمها بس من نفس مجموعة الروز قولد مع فرشة الويه.. شعرها متماسك وقصير نوعا ما تصلح اذا ابي اللون مركز، والثانية فرشة الاي شادو من ايكو تولز بعد تحط اللون عدل ومايتناثر

لدمج الالوان طبعاً ملكة الدمج فرشة 217 من ماك.. على كثر ماستخدمت فرش دمج من ماركات مختلفة بس مافي مثل ماك 217.. تدمج الالوان بخفة بس اهم شي ماتزيدين الدمج ولا بتدش كل الالوان ببعضها وبيبقى لح لون واحد رماي باهت! دمجي الاطراف وبس..

فرشة ثانية لتركيز اللون بالكسرة ودمجه فرشة زويفا 231.. مدببة تشبه البنسل برش بس طويلة.. حلوة لدمج الالوان المطفية خصوصا الغامجة بالكسرة مثل البني المحروق والكحلي وهالالوان.. وتصلح لدمج الالوان تحت العين بعد، فرشتين ثانيين بغرض مشابه بس باختلاف الشكل شوي.. فرشة نادية زيد رقم 5 شوي اخشن من فرشة زويفا فتصلح لدمج الالوان المطفي واللي فيهم لمعة والثانية من سيجما اي 45 واايد تشبه فرشة نادية زيد بس ان شعرها في النهاية مدبب آكثر، احبها لزاوية العين الخارجية

لتحت العين سبق وقلت انا دايماً احب تحت عيوني يكون سموكي لان عيني واسعة ولما احط مكياج بدون ماحط تحت عيني احس عيوني فاهية وويهي كله عيون! فدايما احب احط كحل اسود قلم خط ضعيف تحت، وفوقه لون غامج متناسب مع اللوك وبعدين لون بني متوسط.. هاللونين آحطهم بفرشة نادية زيد رقم 2 مربعة شعرها قصير وضعيييفة تركز اللون تحت العين عدل عدل! وادمجهم كلهم بوحدة من الفرش الثلاث اللي ذكرتهم قبلها. 

خلصنا من الآي شادو ومنطقة العين، لتحت العين احب ادمج الكونسيلر خصوصا لما يكون سائل بفرة من ايكو تولز شعرها واية ومدورة وشعرها صناعي تعطي مظهر الاير برش فناانة ويا المنتجات الكريمية، واخد شي فرشة ريل تكنيك الصغيرة هذي دقيييقة تصلح لما ابي ارسم تحت الحاجب خط بالكونسيلر واموهه،، وحتى لتنظيف حول الروج عشان يطلع مرسووم عدل.

وهني آختم بوست مفضلاتي لسنة 2014

ان شاء الله تكون المعلومات كافية ووافية!

وبغيت رايكم.. غيرت طريقة التصوير لاحظتوا؟؟ شرايكم فيها؟؟ وخليت الصور مربعة حسيتها اسهل عشان تكون موحدة في البلق وانستقرام

شاركوني ارائكم وملاحظاتكم وشنو عن منتجاتكم المفضلة؟ عندكم اشياء مشتركة معاي؟؟