| رجعت الشتويّة - عطوراتي لفصل الشتا والبرد |

 { عم بتشتّي الدنيا يا محلا الشتويّة  ~

يسعد مساكم أو صباحكم وين ماكنتوا 

هالبوست ببالي صارله فترة بس هالاسبوعين كنت تحت ضغط وسترس مب طبيعي 

قطاوتي مرضوا واحد ورا الثاني اول شي مرض الصغير وحسيته خلاص بيموت ماقام ياكل ولا يتحرك وانا من بيطري لبيطري لين الحمدلله البيطري الثاني عطوه ادوية ومضادات وبدا يطيب. 

وبعدها صرت بتريننغ - تدريب طول الاسبوع بعد الدوام من الساعة اربع لين سبع العصر فكنت اوصل البيت خلاص منتهية!

ويوم الخميس الصبح مرضت قطوتي الثانية وامس الجمعة ماتت :( وايد حزنت عليها وعورني قلبي وكل شوي اتذكرها واتضايق :((( حبيبتي بيسو الدفشة كل ما اتخيل انه خلاصم مابنشوفها تشاغب وتتحرش بالباقين او تراكض.

اليوم مسكت كاميرتي قلت أحاول أغير مزاجي الحزين.. فصورت عطوري الشتوية واشوة طلعت الصور حلوة…

احنا بهالجانب من العالم طبعاً يادووب نحس بالشتى -ـ- واذا يانا شتا يكون أغلب الوقت البرد المؤلم اللي يمرض

بس هذا مايمنع انه حتى بالمدة القصيرة اللي يكون الجو بارد نغير مود المكياج والعطور والملابس والألوان 

بوست اليوم عن اختياراتي لعطور الشتا 

[ دليل عروضات وتخفيضات البلاك فرايدي لسنة ٢٠١٥ - موضوع محدث باستمرار ]

البلاك فرايدي

أكيد وايد سمعتوا هالكلمة خلال هالأيام!

ماكنت بكتب موضوع عن البلاك فرايدي لأني أحسه موضوع متشعب وكبير وصعب أغطيه

بس وايد طلبوا مني أتكلم عنه وبما إني من زمان مادونت عن شي والموضوع وايد كبير على بوست إنستقرامي 

قلت أكتب عنه هني وأحاول أحط معلومات عن أغلب الصفقات والعروض المفيدة.

قبل كل شي، هالموضوع والاستفادة من البلاك فرايدي لازم معرفة بالشوبنق اون لاين وطرق الدفع والشحن وكل شي، بهالموضوع ماراح اتطرق لاي شي من هالقبيل.. عندي موضوع شامل عن الشوبنق اون لاين من الألف للياء: 

http://la-beautiful-details.blogspot.com/2014/11/shopping-online-from-z_7.html

إذا ماعندكم أي علم بالشوبنق أون لاين اقروا الموضوع وراح تعرفون كل شي

وبعدها ارجعوا لهالبوست!

.

.

.

أول شي شنو البلاك فرايدي والسايبر موندي؟ 

البلاك فرايدي هو آخر جمعة من شهر نوفمبر.. دايماً يكون بعد عيد الشكر (مو عند المسلمين طبعاً).. السبب اللي أطلقوا عليه البلاك فرايدي إنه يعتبر الموعد الرسمي لبدء التسوق لهدايا الكرسمس والأعياد.. بالتالي أغلب المحلات تكون عندها تخفيضات وعروض ترويجية كبيرة.. خصوصاً بأمريكا والدول الكبرى. السايبر موندي يكون الاثنين اللي بعد الجمعة مباشرة وفيه عروض اضافية احيانا واحيانا عروض مختلفة

البلاك فرايدي السنة بيصادف ٢٧ نوفمبر، والسايبر موندي بيصير ٣٠ نوفمبر

[ Summer Skincare Essentials - أساسيات العناية بالبشرة في الصيف ]

Hello everyone

In Summer, the skin needs a lot of care and maintenance, especially if you live in a very hot country.. I live in Bahrain, in the Middle East – Arabian Gulf.

Our summer is… Crazy, temperature will reach 45 Celsius or even more, there is also the humidity and dust!

So here are my summer skin care essentials and recommendations. Of course you don't have to buy the exact same product, but any similar trusty product that has the same purpose and suits your skin.

السلام عليكم 

صباح / مساء الخير وين ماكنتوا 

في الصيف البشرة تحتاج لعناية مستمرة خصوصاً للي مثلنا ساكنين بهالمنطقة.. 

الحر السنة شي مو طبيعي، غير الرطوبة والغبار.. هذي كلها عوامل تأثر وتتراكم على البشرة

بوست اليوم بيكون عن العناية بالبشرة في فصل الصيف والحرارة الشديدة للتخفيف من الاضرار قدر الامكان.. وبشارككم بعض منتجاتي المفضلة بس طبعاً مب لازم تشترون نفس المنتج.. أهم شي منتج يؤدي نفس الغرض ويكون مضمون ويناسب نوعية بشرتج