[ Review & Swatches: Hourglass | ريفيو وسواتشز ماركة هورغلاس ]

يسعد صبااحكم ومساااكم

كالعادة أغيب أغيب عن البلوغ مدة وأرد أكتب شوي وأختفي مرة ثانية

اليوم البوست عن ماركة.. لفتت نظري من فترة وأخيراً شريت لي منها كم شي وحسيت إنها تستاهل بوست بروحها مو جماعي

Good Morning / Afternoon All!

I usual, I disappear from the blog, come post some stuff & disappear again.

Today the post is about a brand I wanted to try for while ago, finally I got few things & I thought it deserves a separate Post.

ماركة هورغلاس،،

إشتهرت وايد الفترة الأخيرة بالآمبينت لايتنغ بادور

دايماً ريت الماركة عالي في البلوغات واليوتيوب

اغراضي منها لحد الآن باليت الباودر وباودر سنغل وبلاشرين وبرايمر

Hourglass Cosmetics,

A brand that’s been famous lately for their Ambient Light Powder

The brand usually get high rates in Youtube and Beauty Blogs

What I got so far is their Veil Mineral Primer, 1 Single Ambient Lighting Powder, the Ambient Powder Trio Palette & 2 Ambient Lighting Blushers.

نبتدي بالبرايمر.. هذا أول شي خذيته من الماركة مع الباودر السنغل 

وااايد سمعت عنه ومحصل كذا جائزة كأحسن برايمر للوايه من ماركات الهاي إند.. اولهم جائزة ألور.

البرايمر اسمه منرال فيل.. معدني.. من برا عليته زجاجية شفافة.. مع بمب، حجمه 30 ملل.. أويل فري وفيه حماية من الشمس بقوة 15 

ملمسة سائل تقريباً جنه كريم مرطب ولونه أبيض.. وأول ماينحط على البشرة بعد ما أدلكه أحس ويهي لونه أبيض شوي من الحماية اللي فيه، بعد بعد أقل من دقيقة البشرة تمتصه بشكل كامل ومايبين اللون الأبيض، وعلى طول يصير ملمس البشرة ناااعم ومخملي 

فعلاً يخلي الفاونديش والمكياج اللي معاه بنساب بسهولة على البشرة، أنا عشان الحماية اللي فيه أفضل استخدمه بالنهار بس من كثر ما هو حلوو حتى بالليل أستخدمه خصوصاً اذا بحط فل ميك آب.

I will first start with the Veil Mineral Primer, this is the first thing I got from Hourglass along with the single Ambient Lighting Powder.

I heard a lot about it, It won many awards, 

It comes in an elegant expensive look clear glass bottle with a pump, It’s Oil Free and has SPF 15, I got the 10z 30 ml size.

It has a cream like feeling, at first when I apply it in my skin my skin will look whiter (because of the SPF I suppose) but within seconds this will be gone and my skin will immediately feel smooth and ready for makeup

It really makes the foundation and everything after it glide easier & look better! Even though it has SPF but I do use it sometimes at night as well.

مقارنة ببرايمرات إستخدمتها من قبل.. ريفلون، سماش بوكس، بورفيشونال.. هذا من ناحية الخفة وااايد أخف منهم لأن مثل ماقلت قوامة صاير كريمي شبيه بالسائل مب سليكوني ولا جل.

أستخدم تقريبا 2 بمب لويهي، ساعات أوزعه بأصابع يدي، وساعات أستخدم نفس الاداة اللي استخدمها للفاونديشن.. إسفنجة مثل البيوتي بليندر أو ريل تكنيك، أو فرش الكبوكي مثل فرش سيجما أو إيكو تولز أو كوستال سنتس.

Compared to other brand I’ve used before, Revlon, Smashbox, Porefessional, this one feels much lighter on my skin, it doesn’t feel like a thick gel / cream.

I use around 2 pumps for my face, usually apply it with my finger tips or with a blending sponge (Such as Beauty Blender or Real Techniques) or by one of my Kabukis (Sigma Fs, EcoTools, or CoastalScents)

البرايمر سعره غالي نوعاً ما.. لأن الماركة من الماركات الهاي إند، ايي بثلاث أحجام هذا الحجم الوسط العادي 30 ملل وسعره  52$ بدون التاكس والشحن.. يعني حوالي 20 دينار بحريني

بس بالنسبة لي يسوى.. البرايمر والفاونديشن والباودر خصوصا هالأشياء تكون دايركت على البشرة فالاسعار الغالية مب خسارة فيها!

تقييمي له 5/5 وأنصح بشراءه وأكيد راح أشتريه إذا خلص، إلا للي يعانون من حساسية للمعادن أكيد ماراح يصلح لهم!

This primer is kinda pricey ($52 for 10z – 30ml) but Hourglass is a High End Brand, & I always think it’s a good thing to invest in you primer l foundation & powder as they have direct contact your skin! So this thing worths that price tag.

You may need to stay away of it if you are allergic to minerals though.

الشي الثاني اللي خذته منهم وأكثر شي انشهر من الماركة في الفترة الأخيرة.. الباودر (آمبينت لايتنغ باودر)

في البداية كنت أظن إنه البودرة بودرة هايلايتر مثل ماك إم إس إف وديور والباقين،، بس طلعت فنشنغ باودر مو اضاءة قوية.. ملمس البادور واااايد ناااعم وتعطي قلو ومظهر هيلثي للبشرة يعني ممكن استخدامها بفرشاة كبيرة على الويه كامل كلمسة نهائية (بس افضل ماتنحط على الخشم لان الخشم على طول يلقط اللمعة ويصير يبرق ههههه) أو بفرشاة اضاءة على الجيك بونز من فوق عشان تكون كإضاءة

مثل ماقلت هالاضاءة السنقل خذتها أول شي مع البرايمر.. هم كامل 6 ألوان ثلت باخذ وحدة أجيكها وبعدين افتر للباقي، لما خذتها وجربتها وحبيتها تحسفت اني ماستغليت الفرصة وماخذت الباليت اللي كان نازل بالهوليدي لمتد ادشن!

The second thing I got is the Ambient Lighting Powder, which is very famous from the brand

I first thought this a highlighting powder like MAC MSFs, then I knew it’s sort of finishing powder that reflect light, means you can easily use it with a big powder as a finishing touch (but I suggest you avoid your noise as it usually feels very shiny :/ or you can use it as a highlighter if applied on the top of your cheekbones with a highlighter brush. 

I first got one of the singles, when I used it and found how beautiful and finely milled this powder is, I immediately regretted passing on the LE trio that came up in the Holidays Season! 

والمفاجأة السارة انه الشهر اللي طاف هورغلاس ردوا نزلوا الباليت الثلاثي وصار موجود على طووول..

وطبعاً على طول طلبته واشوة ان السنغل اللي عندي مب موجود في الباليت..

الباليت فيه 3 ألوان من الباودر.. لون منهم حصري للباليت والاثنين الباقين موجودين بالحجم العادي السنغل.. حجم البادور في الباليت أصغر من العادي وهذا الشي بالنسبة لي ممتاز لان بشكل عام الفنشنغ باودر والاضاءات مايخلصون بسرعة

Lucky Me!!! They re launched it last month and now it’s permanent! Wooohooo

It has 3 of the powders in a smaller size than the singles with 1 color is exclusive to the trio palette ans the other 2 are available as solo (lucky me again my single one is not of the 2) so now I have total 4 of them

As you can see, the powders in the palette are much smaller than the single, but this is great, I don’t use up finishing powders this much so I think the size is perfect.

فشي حلوووو.. وفيه 3 درجات مختلفة وحدة برونز حلووة..

واللون الوسطي فاتح لؤلؤي على وردي بس عالبشرة يطلع حددده طبيعي

والثالث مادري شلون أوصف بس نتفة أغمج من الوسطي.. 

الصورة بالسواتش مب عاطيتهم حقهم!

بالصج وااايد روووعة وناعمين على البشرة ويندمجون بسهولة ويعطون تاثير انعكاس الاضاءة بشكل جداً جميل على البشرة.

حبييييتهم!

The swatches don’t give the powders a real look on them! On the skin they are much more beautiful, I love how the palette has 3 shades, a bronze one and other 2 that can suit any skin tone@

I really love the feeling of those on the skin and how they give a light reflection to the skin.  

المهم

سعر البودرات السنغل 45 دولار يعني حوالي 17 دينار بدون التاكس والشحن

اما الباليت سعره 58 دولار يعني جريب الـ 23 بدون التاكس والشحن

طبعاً الباليت وايد اوفر وفرصة للتجربة وبنفس الوقت عملي

The solos are $45 each & the trio is $58.. as I said that trio is catch and Must Have!

الشي الثالث البلااشرات

طبعاً اول شي واضح ان باكج البلاشرات نسخة مصغرة من باليت الاضاءة والاضاءة.. صاير الباكجنغ ستاندرد حبيت هذا الشي فيهم! بس قبل فترة غيروا الخط ومن رايي الخط الاولي كان احلى ومميز اكثر.. تلاحظون القديم على البرايمر والاضاءة السنقل..

المهم.. البلاشرات متوفرين بعد بـ 6 درجات وكل بلاشر صاير جنه ماربل ممزوج بلونين او اكثر

تحيرت أبتدي آخذ أي درجات! بعدين من البلوقرز اخترت اكثر لونين مفضلين.. بريتي ماجينتا ومود إكسبوشر

Third is their latest additions to the Ambient Light line, Ambient Light Blushers!

They come in 6 shades and I decided to go to 2 of the darkest shades first,

So I got Mood Exposure & Pretty Magenta

You can see the packaging is exactly as the Powder, but smaller

The blushers have that beautiful marble face, Mood Exposure has Plum & Lavender swirls while Pretty Magenta has Pink & Golden

They both have satin finish, highly pigmented and blend very easily on the skin

بريتي ماجنتا وردي على ذهبي.. بس لما ينحط على البشرة يعطي لون جميييل مب الوردي الباربي الفاقع! وايد حلوو خصوصا للصيف مع البرونز يطلع جميل

Pretty Magenta looks very pink in the pan but in the skin it’s actually beautiful pinky coral that looks very beautiful and not at all bright or neon! Perfect with summer bronze looks.

اما مود إكسبوشر فلونه موف مع بلام مع درجة افتح.. لما ينحط على البشرة يعطي لون روز بلام جميل جداً.. حبيته وايد استخدمته كذا مرة

Mood Exposure is a plumy rose color… LOVE IT!!

البلاشرين ملمسهم متشابه.. ناعم ويندمج على البشرة ويحتاجون لمسة خفيفة بالفرشاة لأن اللون وااضح.. والفنش مالهم صاير ساتن تقريبأ.. مع اللمسة المميزة للبودرات اللي فوق لانهم من نفس النوع الآمبينت لايت

سعر البلاشر الواحد 35$ بدون الشحن والتاكس يعني حوالي 13 دينار بحريني.. وحجمه أصغر شوي من البودرة. 

بشكل عام.. اقيم كل المنتجات 5/5.. يمكن التقييم متحمس! بس بصراحة حبيت كل المنتجات وماحصلت عيب فيهم!

يمكن شي واحد حبيته وماحبيته بنفس الوقت، الباكجنع على جماله وأناقته.. بس يضايق انه لانه لماع وعاكس مثل المنظرة.. على طول يمسك بصمات الاصابع! حتى بالتصوير توهقت كل ما احركهم تطبع اصابعي فيهم :/

الشي الثاني يمكن البعض يحسون الأسعار غالية.. بس مثل ماقلت جودة الماركة عالية وممتازة فبالنسبة لي تسوى.

الماركة طلبتها من سيفورا، وسمعت انه موقعهم الرسمي يقبل الطلبات بالبطاقات الخارجية بس طبعاً يحتاج صندوق أمريكي للشحن الدولي.

جداً حبيت الماركة ونالت على استحساني (لووول) وأكيد راح أشتري منها أشياء ثانية! فرشهم عاجبيني.. وارواجهم واشياء ثانية

الشحن مادري كم كلفني بالضبط لأني استخدم صندوق ماي يو إس.. واجمع اوردرات وايد وهالاغراض من ضمنهم كانوا بصندوق وايد كبير ودفعت الشحن مرة وحدة.

Overall I give for 5/5 for all the products I have so far from Hourglass, they’ve done a good job!

I will sure buy them again and will try new stuff.. like their Blushers & Lipsticks!! They look yummy.

Except one thing, that I Love & Hate in the same time, the packaging is beautiful sleek mirror like dark taupe or grey? I Love it, but it gets prints from the smallest touch very easy!  & I also love the old fond better than the new formal one (Yeah I Love Tiny Details) 

I made an order from Sephora and I paid the shipping to Bahrain but I had a big box with many other orders consolidated in one so I can’t tell how much I paid exactly for those alone.

وهذا كان بوست اليوم

عساه يكوون عجبكم

وانتظروا البوست الجماعي هالاسبوع إن شاء الله

& That’s it for today!

See you soon, I have a Mega Haul to post about this week!

| February'14 Favourites | مفضلات شهر فبراير 2014 |

صباح / مساء الخير من البحرين

بعد غيبة عن البلوق والبوستات.. اليوم راجعة لكم ببوست مفضلاتي لشهر فبراير

وهي الأشياء اللي حبيتها وشفت روحي كررت أستخدامها وايد بهالشهر،،

راح أول شي أكتب أسامي الأشياء وبعدين الصور وبتكلم عن كل شي بروحه

-         شنطة مايكل كورس "سيلما"

-         عطر لانكوم لافي ايست بيل

-         واقي شمس كيو في

-         غسول الوجه آفين

-         كريم اليد وكريم القدمن من ايوكرن

-      ساعة مايكل كورس

-      اكسسوار ذهبي

-      تراجي جيفنشي

-      ماسكرا حواجي

-      شادو حواجب بودي شوب

-         فاونديشن إيسنز

-         بودرة نيكس

-         برونزر ذ بالم

-         بلاشر نارس

-         برونز/بلاشر ذ بالم بيتي لو

-         روج إيسنز البنفسجي

-         مرطب إي أو إس البطيخ الأحمر

-         رموش هدى بيوتي رقم 1 جيزيل

-         ماسكرا ريفلون

-         كحل كريمي لوريال

-         باليت نيكد بيسكس

-         سبري أربان ديكاي لتثبيت المكياج

-         محدد نيكس

صورة جماعية

أول شي سنطة مايكل كورس سيلما.. حبيت هالشنطة من أول ماشفت صورها وشفتها بمايكل الستي سنتر.. بس تحيرت بينها وبين لون ثاني عشان اللون ماكنت محصلة هاللون.. بعدين حصلته بموقع بلومنغ ديلز

عندهم شحن مباشر للبحرين رخيييص.. وكان عندهم تخفيض 10% لأول طلب من الموقع، طلع علي سعرها تقريباً 155 دينار بحريني ووصلتني بأقل من أسبوعين

الشنطة روووعة.. حجمها مناسب ونوعية الجلد هاي كوالتي.. وواسعة تشيل أشياء وايد، بس تحتاج شوي عناية لأنها جلد طبيعي فبسهولة تتبقع من السوائل مثل العطورات والمكياج وكريمات اليد!

كنت أدور هاللون دوارة.. البيج الغامج لأنه يناسب كل شي ويركب على كل شي.. أغلب الناس يفضلون الشنط السودا عشان تكون عملية بس انا بالعكس أحس الألوان الغامجة تخش موديل الشنطة أحياناً.

هالشنطة موجودة على طول بمايكل كورس وعلى حسب الموسم تنزل منها ألوان جديدة.. حالياً لأنه قريب موسم الربيع والصيف فنازل منها ألوان أخضر وأزرق وفوشي وأسود بأبيض وايد روعة.

عطر لانكوم شفته قبل فترة كانوا يعلنون عنه بالستي سنتر وعجبني.. 

 طلبته أونلاين من موقع نوردستروم بعد ماتحيرت بينه وبين لانكوم تريسر روز وآخر شي استقريت عليه، خذته بموسم الكرسمس بست الهدايا.. العطر والبودي لوشن والعطر الصغير بسعر $80 تقريباً 32 دينار بحريني + دفعت عليه شحن مادري كم بالضبط لان كان مع أشياء وايد.

مرطب وواقي من الشمس طبي من شركة كيو في... قوته حمايته من الشمس 30 ويناسب كل البشرات بمافيها الحساسة، وصفته لي دكتور الجلدية الجميلة من عيادة ديرماكير في مستشفى النور التخصصي، كنت أستخدم قبله سيتافيل بقوة 50 وكان قريب بيخلص وغيرت لهذا وفعلا وايد حلووو بسرعة تمتصه البشرة وأبداً مو ثقيل.. وترطيبه حلو مايدهن. سعره إذا ماخانتني الذاكرة 6 دنانير وشي وأنا شريته من العيادة بس يتوفر في الصيدليات مثل بوتس

غسول سائل للوجه من آفين.. من زمان سامعة عنه وخاطري أجربه وشريته أخيرا موجود بالصيدليات وانا شريته من بوتس سعره حوالي 9 دنانير.. خالي من الزيوت والعطور ومناسب لجميع انواع لبشرات وااايد حلووو وينظف بضمير ولا يجفف البشرة ولا يحسسها

كريمات اليد والقدم من ايوكرين هالماركة متوفرة في بوتس والصديدليات بس انا طلبتهم اونلاين.. كريمات طبية لترطيب الجلد ممتااازين واحلى شي فيهم ان البشرة تمتصهم بسرعة ومايلصقون ولا يوصخون،، اثنينهم بنفس المستوى ترطيبهم عجيب على الجلد الجاف

مرطب إي أو أس بطعم البطيخ الحلوو، هالمرطبات الحلوة انا عندي منهم كل الالوان عشان شكلهم الكيووت! وكل فترة اركز على استخدام واحد وهالمرة كان دور هذا.. ترطيبهم حلووو بس مايعتبر ترطيب عميق ولا علاجي! ولكنه يصلح تحت الارواج لانه مايلصق ولا هو سائل وايد

 سبري تثبيت المكياج من اربان ديكاي بعد=.. وصلني ميني مع طلبية نيكد 3 من عندهم.. لازالة لمعان الوجه واايد حلوو وهو اصلا من اسكندنافيا بس بتعبئة اربان ديكاي واسكندنافيا معروفين بجودة مثبتاتهم.. حبتيه انه صغيرون وينشال بالشنطة واقدر ارد اعبيه بسهولة لين خلص من سكندنافيا العود اللي عندي

والحين دور المكياج

قبل شهر وشي تقريباً يابوا عندنا ماركة إسنز أخيراً في صيدليات رويان.. هالماركة من الماركات الامريكية الرخييييصة بس جودتها عالية! أنا صراحة خميت منها خم فرصة لا تقاوم انه كل شي متوفر

أول شي من الماركة دخل بمفضلات هالشهر هو هالفاونديشن السائل من عندهم واللي عندي الدرجة رقم 3.. روووعة خفيف على البشرة وبنفس الوقت تغطيته ممتازة وتزيد مع الطبقات، وصج يثبت مايروح بسهولة ولا يدهن وايد.. وانا اوزعه باسفنجة ريل تكنيكس الجميلة

بودرة نيكس هذي خذيتها بالصدفة كانوا مسوين سيل بسنتر بوينت وحصلتها بدينار ونص بس! وشفت الدرجة مناسبة مايلة للاصفر فقلت التجربة ماتضر.. الدرجة رقم 6 واسمها ميديم بيج.. حبييتها تغطيتها حلوة متوسطة وتتوزع بالفرشاة تعطي مظهر طبيعي تنفع للدوام والطلعات السريعة، ماتتكتل على الويه.. واضح كثر استخدامي لها اني حكيتها ووصلت للقاع لووول

بروزنزر ذ بالم.. هالبرونزر معلقة عليه أكثر من شهرين! جميييل استخدمه للكونتور بفرشاة دقيقة وبعدين استخدمه بفرشاة البودرة كلمسة نهائية، لونه حلوو مب مايل للبرتقالي ولا للاحمر.. وحتى يصلح كآي شادو للدمج في الكسرة او لتحت العين، ماشيله من شنطة مكياجي دايماً معاي

برونزر وبلاشر بيتي لو من ذ بالم.. انا من يومي ماحب ابداً البرونزرات اللي فيهم لمعة، بس هذا حبيته كبلاشر فوق الكونتور يعطي مظهر حلووو.. وممكن لو استعمل بخفة واندمج عدل بفرشاة الاضاءط يعطي اضاءة برونز حلوة، هذا توام ماري لو الصدفية الجميلة وهالمرة نزلوا سيندي لو بيتشي روزي.. بشتريه إن شاء الله واتوقع بمستوي ماري وبيتي

بلاشر نارس جينا.. الحب الحب هذا من يابته لي رفيجتي من تايلند وانا مايمر اسبوع بدون ماستخدمه.. بس صارله فترة على طول بشنطة مكياجي.. لونه بيتش مات بدون لمعة واايد حلووو استخدمته علي وعلى كذا وحدة من ربعي يناسب كل الوان البشرات ويناسب اللوكات اليومية والثقيلة

والبلاشر الثاني سيود من سليك.. ماركة بريطانية تنباع اونلاين والتاجرات يوفروناه لونه بروزني على بنك مطفي وطبيعي وايد وايد أحبه

الشي الثاني من ماركة إيسنز الروج البنفسجي..اللون البنفسجي خصوصا في الارواج كان موضة السنة اللي طافت وكل الماركات تقريباً نزلت ارواج بنفسجية، هاللون من اسنز من شفته سحرني وفعلاً جمييل حتى ربعي من شافوه عندي شروه.. لونه بنفسجي على وردي ابداً مب فاقع ويناسب مع البرونزرات والبلاشرات اللي قلت عنهم فوق ومع الشدوات البيجية البنية.. واحسه يناسب كل البشرات

رموش هدى رقم 1 اسمهم جيزيل.. أخيراً صاروا ينباعون بسيفورا عندنا.. حبيييتهم وطبعاً يستخدمون اكثر من مرة سعرهم 7 دنانير.. وايد يبينون طبيعيين من احطهم دايما أنسأل عنهم ولا يتعبون العين ولا تحسين فيهم ثقال.. أكيد بشتريلي منهم أرقام زود لأن جد من أحلى الرموش اللي استخدمتهم

ماسكرا ريفلون طلبتها من فترة من عقب مامدحتها مي المؤيد (ذا ميكب مانول) وصج حبيتها حلووو خصوصا بعد ثالث طبقة تكثف الرموش بشكل جميل.. وماتتعب بالمسح تنمسح بسهولة بالميكب ريموفر

كحل لوريال الكريمي من نزلوه في دراقستور طلبته بعد ماكنت استخدم مايبلين وكلينيك.. حبيته سواده عجيب يخط بسرعة ومايسيح ويتم مدة طويلة وماينشف بعد، وقوامه حلوو لا هو يابس وايد ولا وايد سائي

باليت نيكد بيسكس من اربان ديكاي هالباليت الصغيرون دايماً معاي بشنطتي لان الوانه تنفع للطوارئ سواء لللآي شادو او للاضاءة او للحواجب.. للوكات السريعة وللدمج مع الوان ثانية ممتاز ماستغني عنه

لحواجبي هالشهر أكثر شي حبيته... ماسكرا الحواجب خذيتها من مدهش كاركتر ومادري جمم رقمها بس يتميز هو افتح لون.. ومثل ماتشوفون غطاها انكسر لوول فاستخدماه بفرشاة تمشيط الحواجب.. تخلي لون حواجبي فااتح.. وفوقها استخدم شدو بودي شوب اللون البني اللي فيه غامج فاستخدمه بضربات خفيفة

وأخيراً محدد نيكس اللون الموف سبقت وتكلمت عنه بانستقرامي هاللون عجيييب استخدمه تحت الالوان النود او تحت الالوان الفاقعة عشان يهديها! وايد درجته حلوووة وحتى بروحه ساعات أحطه

ومن الاكسسوارات.. أكثر شي لبسته هالشهر 3 قطع وبالصدقة كل الالوان المعدنية ذهبي وفضي وروز قولد لووول

الساعة من مايكل كورس إذا ماخاب ظني اسمها رانوي طلبتها أولناين بس موجودة هني.. حجمها عود بس مو دفشة وانيقة باللبس.. انا يدي ضعيفة فالساعة من هالديزاين تناسبني.. في منها نفس الشكل بس حجم وايد اكبر، وتتوفر بعد باللون الفضي والذهبي سعرها حوالي 120 دينار أونلاين بس أنا أخذتها بسيل حوالي 85 دينار بدون الشحن

تراجي جيفنشي اللون الفضي طلبتهم من نوردستروم وايد حلوين وناعمين مع فص كبير سوارفسكي وفصوص صغيرة.. لمعتهم حلوة والتراجي حلوين يناسبون للبس اليوم والمناسبات البسيطة، موجود منهم لون ذهبي بعد وايد حلو خذناه لرفيجتي بعيد ميلادها

وآخر قطعة.. قلادة ذهبية مطفية اخذتها من معرض الخريف من محل كويتي.. واايد حلوة على العبايات / التوبات / القمصان بشرط يكونون سادة لون واحد وبدون اي تطريز ولا شي.. لانها كبيرة ونازلة شوي فتحلي القماش السادة خصوصا اءا كان لونه أبيض / بيج / بطيخي / أسود

ووبس هذي كانت مفضلاتي لشهر فبراير

شنوو عجبكم منها؟ شنو اللي تتفقون معاي فيه؟ شاركوني

إن شاء الله بحاول ألتزم أنزل مفضلات كل شهر ببوست جذي

 لأي سؤال أو استفسار.. اسألوني بالآسك

www.ask.fm/Sanooya

أو انستقرامي

@Sanooya

سلااام :**